Françoise Poos
| Françoise Poos | |
|---|---|
| Gebuer |
8. Mäerz 1964 Esch-Uelzecht |
| Aktivitéit | Journalist, Fotograf |
 | |
D'Françoise Poos, gebuer den 30. Oktober 1964 an der Stad Lëtzebuerg[1], ass eng lëtzebuergesch Curatrice, Chercheuse a Fotografin[2].
Si huet zu Stroossbuerg modern Literatur studéiert, ausserdeem huet si en Diplom a Filmwëssenschaft. Hier berufflech Karriär huet se am November 1990 bei RTL Radio Lëtzebuerg ugefaangen. Am Juni 1992 huet se RTL verlooss a beim "Service des médias et de l'audiovisuel" vum Staatsministère ugefaangen fir ee vun der EU kofinanzéierte Kontakt- a Berodungsservice ënner dem Numm "Media Desk" opzebauen[3]. Duerno war se Consultante fir d'Edward-Steichen-Ausstellung The Bitter Years a vun 2010 u fräiberufflech Curatrice a Chercheuse um Gebitt vun der visueller Kultur.
Vun Abrëll 2013 bis August 2017 war si Presidentin vum Verwaltungsrot vum Soziokulturelle Radio an ass zanter Juni 2019 Presidentin vum Verwaltungsrot vun Neimënster[4].
Studien
- 1985-1990 Université Marc Bloch, Strasbourg II: Master an der Comparative Literature
- 2009-2011 University of the Arts London: Fuerschungsstudentin an der Fotografie an der Bildwëssenschaft
- 2011-2016 De Montfort University, PhD Fotografie a Bildwëssenschaft
- 2014-2017 wëssenschaftlech Mataarbechterin op der Universitéit Lëtzebuerg
Referenzen an Notten
- ↑ Gebuertsannonce am Luxemburger Wort vum 31. Oktober 1964
- ↑ New board president for Neimënster op delano.lu den 18. Juli 2019
- ↑ "Françoise Poos" am d'Lëtzebuerger Land vum 12 Juni 1992
- ↑ Françoise Poos nei Presidentin vum Verwaltungsrot op rtl.lu den 20. Juli 2019