Georges Lentz

Georges Lentz
Georges Lentz
Gebuer	22. Oktober 1965; Lëtzebuerg
Nationalitéit	Lëtzebuerg, Australien
Educatioun	Hochschule für Musik, Theater und Medien Hannover,; Paräisser Conservatoire
Aktivitéit	Komponist

De Georges Lentz, gebuer den 22. Oktober 1965, ass e lëtzebuergesche Komponist, deen zanter 1990 an Australien lieft.

Säi Liewen

Hien huet um Stater Conservatoire, um Conservatoire national supérieur de Paris an op der Musikhochschule vun Hannover studéiert.

Zanter 1989 schafft de Georges Lentz un engem Zyklus mam Numm Caeli enarrant... (D'Himmelen erzielen – Psalm 19). Seng Musek ass duerch d'Astronomie, déi wäit australesch Landschaften an d'Molereie vun den Aborigines beaflosst. 2002 gouf säi Stéck fir Orchester 'Guyuhmgan' zweet bei der Tribune internationale des compositeurs de l'UNESCO zu Paräis. Seng Musek gëtt uechtert Welt gespillt, sief et an der Berliner Philharmonie, am Wiener Konzerthaus, an der Wigmore Hall zu London, der Carnegie Hall vun New York, der Suntory Hall vun Tokyo oder der Oper vu Sydney, a vu bedeitenden Orchestere wéi dem BBC Symphony Orchestra London, BBC National Orchestra of Wales, Hallé Orchestra Manchester, Deutsches Symphonieorchester Berlin, Bamberger Symphoniker, Kölner Philharmoniker (Gürzenichorchester), Düsseldorfer Symphoniker, Nederlands Philharmonisch Orkest, ORF Symphonieorchester Wien, Warschauer Philharmoniker, St Louis Symphony Orchestra, Tokyo Metropolitan Symphony Orchestra, New Japan Philharmonic, Sydney Symphony, Melbourne Symphony... De Georges Lentz schreift seelen nei Kompositiounen.

Eng vu senge leschte Kompositiounen, 'Monh', e Concerto fir Alto fir d'Tabea Zimmermann, ass am Juli 2005 an der Philharmonie Lëtzebuerg uropgeféiert ginn, mat der Bratschistin Tabea Zimmermann an dem Orchestre philharmonique du Luxembourg ënner dem Steven Sloane. Et war eng Commande vum Iechternacher Museksfestival, dem Sydney Symphony Orchestra an dem BBC 3.

Säin neist Wierk ass eng grouss permanent Klanginstallatioun an der australescher Wüst, d'Cobar Sound Chapel (2022), zesumme mam australeschen Architekt a Pritzkerpräislaureat Glenn Murcutt.

Seng Wierker gi vun der Universal Edition, Wien verëffentlecht.

Wichtegst Wierker

Caeli enarrant... (1989 bis haut)

Deel	Ënnertitel	Joer	Instrumentatioun
I		1989–1998	Orchester
III		1990–2000	12 Sträicher, 3 Percussionnisten an 1 Kannerstëmm
IV		1991–2000	Sträichquartett a 4 Cymbalen
V		1989–1992	preparéierte Piano
VII Mysterium	Birrung	1997–2004	11 Sträicher
	Ngangkar	1998–2000	Orchester
	Nguurraa	2000–2020	Klarinett, Gei, Cello, Perkussioun a Piano
	Guyuhmgan	2000–2007	Orchester an Elektronik
	Alkere	2002–2004	preparéierte Piano
	Monh	2001–2005	Solo-Braatsch, Orchester an Elektronik
	Ingwe	2003–2018	elektresch Gittar
	String Quartet(s)	2000-2021

Kuckt och

Lëscht vu lëtzebuergesche Komponisten

Um Spaweck