Georges Mischo
| Georges Mischo | |
|---|---|
.jpg) | |
| Gebuer |
18. September 1974 Esch-Uelzecht |
| Nationalitéit | Lëtzebuerg |
| Educatioun | Lycée Hubert-Clément |
| Aktivitéit | Politiker |
| Partei | CSV |
| Fonctioun | Buergermeeschter vun Esch-Uelzecht, Deputéierten an der Lëtzebuerger Chamber, Aarbechtsminister vu Lëtzebuerg, Sportsminister vu Lëtzebuerg |
 | |
De Georges Mischo, gebuer den 18. September 1974[1] zu Esch-Uelzecht, ass e lëtzebuergesche Politiker (CSV). Hien ass zanter dem 20. Januar 2026 Deputéierten an der Chamber[2], nodeems hie vum 17. November 2023 bis den 8. Dezember 2025 Minister fir Sport a Minister fir Aarbecht an der Regierung Frieden-Bettel war.[3]
Karriär
[änneren | Quelltext änneren]De Georges Mischo ass vu Beruff Sportsprofesser.
De Georges Mischo huet eng éischt Kéier bei de Gemengerotswalen 2011 kandidéiert a gouf 2014 Member vum Escher Gemengerot. Bei de Gemengewale vum 8. Oktober 2017 war hie Spëtzekandidat vu senger Partei, an e gouf de 14. November 2017 Buergermeeschter an engem Schäfferot mat enger CSV-DP-déi Gréng-Majoritéit[4]. Bei deene vum 11. Juni 2023 gouf hien erëmgewielt an nees Buergermeeschter ënnert der selwechter Koalitioun[5].
Bei de Chamberwale vum 14. Oktober 2018[6] grad sou wéi bei deene vum 8. Oktober 2023 gouf hien als Kandidat vun der CSV am Walbezierk Süden an d'Chamber gewielt.
Mëtt November 2023 huet hien op seng Deputéierten- a Buergermeeschteschmandater verzicht, fir Minister fir Aarbecht a Sport an der Regierung Frieden-Bettel ze ginn.
Ë. a. an der Folleg vun der Affär ëm de geplangte Sportsmusée ass de Georges Mischo den 8. Dezember 2025 zeréckgetrueden[7][8]. Zanter dem 20. Januar 2026 ass hien nees Deputéierten an der Chamber[9].
Kuckt och
[änneren | Quelltext änneren]Um Spaweck
[änneren | Quelltext änneren] |
Commons: Georges Mischo – Biller, Videoen oder Audiodateien |
- Nei Deputéiert: De Georges Mischo vun der CSV Reportage op rtl.lu de 25. Oktober 2018, fir d'lescht gekuckt de 25. Oktober 2018
Referenzen
[Quelltext änneren]- ↑ Sou uginn als Verwaltungsrotpresident vum Centre hospitalier Emile Mayrisch ënnert der Nummer G197 am Handelsregëster, publizéiert den 8. Februar 2018
- ↑ "Zwei neue Abgeordnete treten an." wort.lu, 20.01.2026.
- ↑ Assermentation des membres du gouvernement 2023. gouvernement.lu, 17.11.2023.
- ↑ Resultater vun de Gemengewalen 2017
- ↑ (fr) Assermentation des collèges des bourgmestre et échevins. mint.gouvernement.lu (13.07.2023). Gekuckt de 14.07.2023.
- ↑ Resultat vun de Walen 2018
- ↑ (lb) Marc Spautz soll Georges Mischo als Aarbechtsminister ersetzen. 100komma7.lu (08.12.2025). Gekuckt den 08.12.2025.
- ↑ (fr) Arrêté grand-ducal du 11 décembre 2025 accordant démission honorable à Monsieur Georges MISCHO, Ministre. legilux.public.lu (11.12.2025). Gekuckt den 13.12.2025.
- ↑ (fr) Georges Mischo | Chambre des Députés du Grand-Duché de Luxembourg. www.chd.lu. Gekuckt de 06.02.2026.