HR 8832

HR 8832
Opsichkaart fir den HR 8832 resp. HD 219134 (markéiert mat Krees) am Stärebild Cassiopeia
Stärebild:	Cassiopeia (Cas)
Daten (Equinoxe J2000.0)
Rektaszensioun	23h 13m 16,97632s
Deklinatioun	+ 57° 10' 06,0823"
visuell Magnitude	5,570 mag
Spektralklass:	K3V
Astrometrie
Radialvitess:	-18,83 ± 0,07 km/s
Parallax:	152,76 ± 0,29
Distanz	21,35 ± 0,04 Lj.
Liichtkraaft	0,28 mag
Physikalesch Eegenschaften
Mass:	0,794+0,037−0,022 M☉
Radius:	0,80 ± 0,04 R☉
Metallizitéit:	+ 0,20
Uewerflächentemperatur	4.710 K
Alter:	~12,46 Milliarden
Aner Bezeechnungen
ADS	ADS 4506
Bonner Duerchmusterung	BD + 56°2966
Bright Star Catalogue	HR 8832
Henry-Draper-Katalog	HD 219134
Hipparcos-Katalog	HIP 114622
2MASS	J20450949-3120266
SAO	SAO 35236
Tycho-Katalog	TYC 4006/1866/1
Weider Katalogen	FK5 875, GCTP 5616.00, GJ 892, LFT 1767, LHS 71

Den HR 8832 (oder HD 219134) ass en orangen Haaptreiestär mat der Spektralklass K am Stärebild Cassiopeia. Hie läit ongeféier 21,35 Liichtjoer vun eiser Sonn ewech. De Stär huet e Planéitesystem mat véier nogewisenen Exoplanéiten.

Mat enger visueller Hellegkeet vun der 6. Gréisst ass den HR 8832 bei däischterem Himmel ouni Mound a Liichtverschmotzung och mat bloussem A ze gesinn. Hie steet ëstlech vum groussem Himmels-W, deen duerch d'Haaptstäre vum Stärebild Cassiopeia geformt gëtt.

Eegenschaften

Den HR 8832 ass méi kleng an huet manner Mass wéi eis Sonn an huet ongeféier 80% vun der Sonnemass respektiv vum Sonneradius.

Planéitesystem

Den 30. Juli 2015 hat en Astronomenteam d'Entdeckung vu véier Exoplanéiten ëm den HR 8832 op Grondlag vu Miessdate vum Spektrograph HARPS-N um Telescopio Nazionale Galileo op La Palma publizéiert. De Stär war mat Hëllef vun der Radialvitessmethod endeckt ginn. De bannenzege Planéit, HD 219134 b, zitt, vun der Äerd aus gesinn, direkt viru sengem Stär HR 8832 laanscht. Hie konnt dofir mam Spitzer-Weltraumteleskop och mat der Transitmethod nogewisen a bestätegt ginn. Den HD 219134 b ass bis elo dee sonnennoosten entdeckten Exoplanéit, bei deem eng Transitobservatioun méiglech ass. Hien huet ongeféier den 1,6-fachen Äerdradius an ongeféier déi 4,5-fach Äerdmass. Duerch déi bekannt Date vum Radius a klengste Mass huet sech d'Dicht vum Planéit op ongeféier 5,89 cm³ schätze gelooss, woumat den HD 219134 b als Gestengsplanéit anzeklasséieren ass.

Déi zwéi follgend Planéiten hu jee déi 2,7-fach respektiv 8,7-fach Äerdmass a kreesen och zimmlech no ëm hire Stär. Méi wäit ewech ass nach e masseräiche Planéit nogewise ginn, deen ongeféier 20% vun der Jupitermass huet.

Planéitesystem vum HR 8832 (HD 219134)

Planéit (no Distanz vum Stär)	Entdeckung (Joer)	Mass (an M♁)	Radius (an $R_{\oplus }$)	Ëmlafzäit (an Deeg)	Grouss Hallefachs (an AE)	Exzentrizitéit
HD 219134 b	2015	4,46 ± 0,47	1,606 ± 0,086	3,0937 ± 0,0004	0,0382 ± 0,0003	0,0+0,13−0,0
HD 219134 c	2015	2,67 ± 0,59	—	6,765 ± 0,005	0,064 ± 0,001	0,0+0,26−0,0
HD 219134 d	2015	8,67 ± 1,14	—	46,78 ± 0,16	0,234 ± 0,002	0,32 ± 0,14
HD 219134 e	2015	62 ± 6	—	1190+379−34	2,14+0,43−0,02	0,27 ± 0,11

Kuckt och

Portal Astronomie

• Lëscht vun Exoplanéiten