Jean Pierre Michaelis

Vu Wikipedia
Op d'Navigatioun wiesselen Op d'Siche wiesselen

De Jean Pierre Michaelis, gebuer den 3. September 1811 an der Stad Lëtzebuerg, an och do gestuerwen den 29. September 1867, war e lëtzebuergesche Mathematiksprofesser.

Hien huet 30 Joer laang am Kolléisch zu Lëtzebuerg geschafft. Als Nofolger vum Nicolas-Michel Muller (1793 - 1876), gouf hien den 22. September 1866 do Direkter, an ass dat bis zu sengem fréien Doud am Joer 1867 bliwwen.

Virdrun, 1837 an 1838, war hie Mathematiksprofesser am Collège municipal vu Bouillon an am Athénée royal vu Bruges.

Als Professer am Stater Kolléisch gouf hien och Schoulinspekter, d'éischt fir d'Primärschoule vum Kanton Miersch, an du fir d'Schoule vun engem vun den zwéi Kantone Lëtzbuerg (et gouf nämlech ee Kanton "Stad" an ee Kanton "Land"). An der Stad gouf hie Member a spéider (vun 1858 un) Sekretär vun der Schoulkommissioun.

Hien huet vill wëssenschaftlech Dissertatioune geschriwwen an och eng Partie Schoulbicher, an Zesummenaarbecht mat Kollege publizéiert.

Literatur[änneren | Quelltext änneren]

  • Edouard Kayser, Les directeurs de l'Athénée (1817-2017) - Notices biographiques; in: (kollektiv), De Kolléisch 2017, Festschrëft (...); 2 Bänn; Lëtzebuerg (Éditions de l'Athénée & Print Solutions), 2018; Ss. 64-97 (Ill., Bibliogr.).