Kierch Léiler

Vu Wikipedia
Wiesselen op: Navigatioun, sichen
Kierch vu Léiler
Filialkierch vu Léiler (2014)
Filialkierch vu Léiler (2014)
Uertschaft Léiler
Par Clierf
Saint-Benoît
Dekanat Norden
Numm / Patréiner Hl. Kräiz
Konsekratiounsjoer 1956
Koordinaten 50° 07’ 30.2’’ N
     06° 06’ 41.9’’ O
Kierchen - Kapellen

D'Kierch zu Léiler ass eng kathoulesch Kierch déi zur Par Clierf Saint-Benoît, zum Dekanat Norden an zu der Gemeng Klierf gehéiert. Responsabel ass de Paschtouer Joseph Roemen vu Klierf.

D'Kierch ass dem hellege Kräiz geweit. D'Fest gëtt de 14. September gefeiert.

Se steet an der Haaptstrooss, dem CR338. Ronderëm d'Kierch ass de Kierfecht ugeluecht. Säitlech un der Kierch ass de Monument aux Morts fir d'Affer vum Zweete Weltkrich.

Geschicht[änneren | Quelltext änneren]

Eng eegestänneg Par gouf Léiler den 30. September 1807 duerch en Dekret vum franséische Keeser Napoléon Bonaparte. Zu där Zäit huet Léiler zum Département des Forêts gehéiert, an et war mat den Nopeschuertschafte am Dekanat Klierf en Deel vun der Diözes Metz.

Nom Wiener Kongress gouf dat "neit" Groussherzogtum kierchenhierarchesch un d'Diözes Namouer ugehaangen, a Léiler mat.

Bis de 7. Mee 2017 war et d'Parkierch vun der Par Léiler, déi zum Parverband Klierf, zu der Pastoralregioun Norden an zum Dekanat Klierf gehéiert huet. Et war déi eenzeg Kierch an dëser Par.

D'Gebai[änneren | Quelltext änneren]

Aplaz vun engem Tuerm huet d'Léiler Kierch en erhéichte Chouerbau mat engem géie Walmdaach an deem d'Klacken hänken. Wéinst hirem Kierchechouer, deen op d'14. Joerhonnert datéiert gëtt, däerf d'Kierch als eng fir d'Ardennelandschaft typesch Kierch mat Chouertuerm agegliddert ginn. Dat haitegt Kiercheschëff ass tëscht 1849 an 1850 nei gebaut ginn, nodeem dat aalt, dat am Joer 1770 schonn emol vergréissert gouf, no 80 Joer ze kleng a baufälleg war. Hiert haitegt Ausgesi verdankt d'Kierch enger nom Zweete Weltkrich an de Joren 1953/54 duerchgefouerter Renovéierung. Haaptinteressi bei dëser Renovéierung war de mëttelalterleche Chouer bei deem d'Freske fräigeluecht a restauréiert goufen. Säitlech vum Chouer gouf eng Sakristei bäigebaut.

Den 8. September 1956 ass d'Kierch op den Titel Helleg-Kräiz-Kapell konsekréiert ginn, ier se den 31. Juli 1968 ënner staatlechen Denkmalschutz gesat gouf. Um Kierfecht ronderëm d'Kierch stinn eng Rei vun alen a Schifersteng gemeesselt Grafsteng.

Literatur[änneren | Quelltext änneren]

Kuckt och[änneren | Quelltext änneren]

Um Spaweck[änneren | Quelltext änneren]

Commons: Kierch Léiler – Biller, Videoen oder Audiodateien