Kurt Waldheim

Kurt Waldheim
Funktioun
8. Bundespresident vun Éisträich
1. Januar 1972 - 31. Dezember 1981
Virgänger	Rudolf Kirchschläger
Nofollger	Heinz Fischer
Partei	ÖVP
Biographie
Gebuer	21. Dezember 1918 St. Andrä-Wördern
Gestuerwen	14. Juni 2007 Wien
Doudesursaach	Häerzkollaps
Nationalitéit	Éisträich, Däitscht Räich 1933–1945
Educatioun	Universitéit Wien
Gielercher	Grousskräiz vum Pius-Uerden
Bestuet mat	Elisabeth Waldheim (1944–)

De Kurt Josef Waldheim, gebuer den 21. Dezember 1918 zu Sankt Andrä-Wördern, Nidderéisträich, a gestuerwen de 14. Juni 2007 zu Wien, war en éisträicheschen Diplomat a Politiker (ÖVP). Hie war vun 1972 bis 1981 UN-Generalsekretär a vun 1986 bis 1992 éisträichesche Bundespresident.

Seng Amtszäit un der Spëtzt vu sengem Land stoung am Schiet vu Revelatioune vun der Zäitschrëft profil, e puer Wochen ier e gewielt gouf, datt de Waldheim a senger Autobiographie iwwer säi Behuele an der Zäit vum Nationalsozialismus a vum Zweete Weltkrich gelunn hat; e gouf awer gewielt. Eng international Historikerkommissioun ass 1988 zu der Conclusioun komm datt de Waldheim, dee Wehrmachts-Offizéier war, zwar "perséinlech sech näischt zu Schold komme gelooss huet" an him "keng Bedeelegung u Krichsverbriechen" nozeweise wieren, mä en awer net hätt kënnen näischt wëssen iwwer d'Deportatioun vu 40.000 Judden aus Thessaloniki oder d'Massaker, déi d'Wehrmacht a Westbosnien ugeriicht hat.

Och gouf him virgeworf, hien hätt wëlle seng militäresch Vergaangenheet an de Vergiess gerode loossen, oder, wann dat net méiglech wier, se systematesch verharmloost ze hunn.

Wierker

• Der schwierigste Job der Welt. Die Uno – die besten aller Chancen. Goldmann 1982, ISBN 3-442-11236-2.
• Im Glaspalast der Weltpolitik. Econ, München 1985, ISBN 3-430-19453-9.
• Der österreichische Weg. Aus der Isolation zur Neutralität. Molden 1985, ISBN 3-217-00239-3.
• Die Antwort. Amalthea Signum 1996, ISBN 3-85002-371-0.

Literatur

• International Commission of Historians: The Waldheim report. Submitted February 8, 1988, to Federal Chancellor Dr. Franz Vranitzky. Museum Tusculanum Press (University of Copenhagen); Kopenhagen 1993, ISBN 87-7289-206-4
• James Daniel Ryan: The United Nations Under Kurt Waldheim, 1972-1981. Scarecrow Press, Lanham u.a. 2001, ISBN 0-8108-3701-3.

Um Spaweck

Commons: Kurt Waldheim – Biller, Videoen oder Audiodateien

• Einsam in der Hofburg, NOeN, 22. Mäerz 2004
• Dietrich Strothmann/Die Zeit: Der Mann und seine Schatten. Kurt Waldheim im Wahlkampf und im Rechtfertigungsstreit, 14. Mäerz 1986