Lilien

Lilien
	Kinnekslilien (Lilium regale)
Wëssenschaftlech Klassifikatioun
Räich	Planzeräich
Ofdeelung	Bléieplanzen
Klass	Liliopsida
Ënnerklass	Liliidae
Uerdnung	Lilienaarteger (Liliales)
Famill	Lilieplanzen (Liliaceae)
Ënnerfamill	Lilioideae
Wëssenschaftlechen Numm
	Lilium
	L.

D'Lilien (Lilium) sinn eng Planzegattung aus der Famill vun de Liljeplanzen (Liliaceae).

Wéinst hiren apaarte Bléie gi se a ville Kulturen als Dekoratiounsplanzen appreciéiert. Absënns an Asien gi se awer och als Liewensmëttel an als Heelplanze gebraucht.

D'Gattung huet sech vun hirem Urspronk am Himalaya aus op all Kontinenter vun der Nordhallefkugel ausgebreet, mat enger Preferenz fir klimatesch temperéiert Zonen. Haaptverbreedungsgebitt ass China, mä et fënnt ee se och an Nordamerika, Europa, am Kaukasus, Russland, bis hin zu Japan.

Et gëtt eng 110 Aarten, dovu sinn der 21 op der Rouder Lëscht.

Déi heraldesch Lilien, u sech Giel Lëtscheblummen déi mat de Lilie botanesch iwwerhaapt net Famill sinn, sinn d'Symbol vun der kinneklecher Famill a Frankräich.

D'Lilie ass doriwwer eraus e Symbol vun der Jongfra Maria, an e Symbol vun der Rengheet.

Kuckt och

Lëscht vu lëtzebuergesche Planzennimm

Um Spaweck

Commons: Lilien – Biller, Videoen oder Audiodateien