Lise Rischard

Vu Wikipedia
Wiesselen op: Navigatioun, sichen

D'Lise Rischard, gebuer als Elise Melanie Meyer den 19. Mee 1868 zu Eech[1] als Duechter vum Jean Meyer a gestuerwen den 28. Februar[2] 1940 an der Stad Lëtzebuerg, war d'Fra vum Dr. Camille Rischard (1871-1939), mat deem si sech den 9. August 1900 fir d'zweet bestuet hat.[1]

Si huet zesumme mat hirem Mann, deen Dokter bei der Eisebunn war, am Éischte Weltkrich fir d'Englänner spionéiert, deene si Informatiounen iwwer déi däitsch Truppentransporter, déi mat der Eisebunn duerch Lëtzebuerg gaange sinn, geliwwert huet. Dat geschouch iwwer kodéiert Texter, déi an der Zäitschrëft Der Landwirt publizéiert an ë. a. am Abonnement och engem franséische Jesuitepater an der Schwäiz geschéckt goufen, dee se dann un d'Englänner weiderginn huet.[3]

Heivunner geet Rieds am 432 Säiten décke Buch The Secrets of Rue St. Roch vun der Janet Morgan, deem seng éischt Editioun 2004 zu London am Penguin-Verlag erauskommm ass.[4]

Referenzen[Quelltext änneren]

  1. 1,0 1,1 Kugener, H., 2005. Die zivilen und militärischen Ärzte und Apotheker im Großherzogtum Luxemburg. Band 2/3 (H-R). Luxemburg, Eigenverlag, S. 1310-1312 [C. Rischard]
  2. Escher Tageblatt 1940, Nr. 67 (19. März): 9 (État civil de la ville de Luxembourg du 15.2.40 - 29.2.40). Décès: 28 février [1940] … Elise Melanie Meyer, 71 ans, s. é., ép. divorcée Anet François Xavier Pelletier, et veuve en 2mes noces de Camille Michel Rischard, Luxbg. [1]
  3. "A story of true Luxembourgish heroism." Artikel iwwert d'Lise Rischard op www.wort.lu/en
    L’espionne du boulevard Royal.
    Wolf, Claude. Das Geheimnis der rue Saint-Roch. Tageblatt 2014, Nr. 269 (19. November). S. 40.
  4. The secrets of Rue St. Roch : Intelligence operations behind enemy lines in the First World War / Janet Morgan. - London : Allen Lane : Penguin, 2004. 432 p. [2]
    Jane Stevenson. Spies with attitude. The Guardian, 8 August 2004. [3]