Lucky Luke (Comicsserie)

Vu Wikipedia
Op d'Navigatioun wiesselen Op d'Siche wiesselen

Lucky Luke ass eng humoristesch Comicsserie, déi vum belschen Zeechner Morris (Maurice de Bevere) kreéiert gouf an déi am Wëlle Westen spillt, wou den Haaptpersonnage, de Lucky Luke, fir Recht an Uerdnung suergt.

Déi éischt Lucky-Luke-Geschicht war de Band Arizona 1880. Si ass de 14. November 1946 fir Chrëschtdeeg vun deem Joer an enger Spezialnummer vun der Comicszäitschrëft Le Journal de Spirou, dem Almanach 47, erauskomm. De Morris hat deemols eréischt 24 Joer.

An der Belsch an a Frankräich gouf de Lucky Luke bis 1968 am Magazine Spirou publizéiert, vun 1986 bis 1973 am Magazine Pilote, tëschent 1974 an 1975 a sengem eegenen, no him benannte Magazine, tëschent 1975 an 1976 am Magazine Tintin an duerno a verschiddenen aneren Magaziner.

Wann d'éischt Publikatioun a Magaziner bis erduerch war, goufen d'Geschichten, mat e puer Ausnamen, a Form vun Albumen erausbruecht. Déi 31 éischt Albume sinn alleguer vum Editeur Dupuis publizéiert ginn, déi duerno vum Verlag Dargaud; vun 1991 u war et Lucky Productions, déi d'Albume publizéiert hunn an zanter 2000 kënnt de Lucky Luke bei Lucky Comics eraus.

De Lucky Luke ass weltwäit bekannt an ass an Europa immens populär; zu Lëtzebuerg ass de Lucky Luke ähnlech beléift ewéi den Astérix an den Tintin[Source?]. D'Comic-Serie gouf an 23 Sproochen iwwersat, allerdéngs bis elo net op Lëtzebuergesch. Bis ewell goufen eng 300 Milliounen Albume verkaaft.

Nieft dem Comicalbum u sech sin och Lucky-Luke-Kinosfilmer erauskomm, wéi och Dessin-animéen, Merchandise-Artikelen a Computerspiller. Zënter 1998 as de Lucky Luke och am Erliefnispark Walibi bei Wavre vertrueden. Am Kader vun enger Beneluxkooperatioun zum Thema Fraud Prevention koum am September 2008 eng gratis Spezial-Nummer vum Lucky Luke iwwer Bedruchsvermeidung eraus, speziell bestallt op der Basis vun enger lëtzebuergesch-belsch-hollännescher Initiativ, wou direkt dräi lëtztebuergesch Ministèren dru bedeelegt waren. Den Auteur vun deem Album war de Vittorio Leonardo.

Bis 1955 goufen d’Geschichte vum Lucky Luke eleng vum Morris kreéiert, duerno a bis zu deem sengem Doud, 1977, war de René Goscinny den Auteur, de Morris huet just nach gezeechent. Zanterdeems changéieren d'Auteuren. Am Moment (Enn 2018) sinn et de Jul (Julien Berjeaut) als Auteur an den Achdé (Hervé Darmenton) als Zeechner. Bis 2018 nach mat koumen 80 Albumen vum Lucky Luke ersaus. Dee bis ewell leschte Band, Un Cow-boy à Paris, ass vum November 2018. D'Illustratiounen dovu si vum Achdé an de Jul ass den Auteur; déi zwéin haten och dee vireschte Band (La terre promise) zesumme kreéiert. Dotëscht koum nach een Erënnerungsalbum vum Mathieu Bonhomme eräus: L’homme qui tua Lucky Luke.

De Lucky Luke symboliséiert d'Vitesse; hie schéisst méi séier wéi säi Schiet a gëtt dofir och l'homme qui tira plus vite que son ombre genannt ("de Mënsch dee méi séier schéisst wéi säi Schied"). Mat där Idee gouf an Däitschland 2012 eng Publicitéitskampagne lancéiert, wou de Lucky Luke fir déi däitsch Spuerkeese Reklam fir "kontaktloses Bezahlen" mecht. De Slogan vun der Werbekampagne war "Schneller zahlen als dein Schatten". De Lucky Luke vun dënner Kierperstatur, an hien huet eng schwaarz Krausel um Kapp. Meeschtens huet hien ee gielt Hiem un, ee schwaarze Gilet an och ee roude Foulard. Hien dréit eng blo Box an brong Stiwwelen. Säin Numm kënnt vu "luck" d.h. Gléck. De Lucky Luke setzt sech a fir d'Gesetz, hien suergt fir Recht an Uerdnung. An de verschiddene Albumen geet et ëmmer ëm dat Gutt an dat Béist, a fir d'Gerechtegkeet, fir déi de Lucky Luke sech asetzt a kämpft.

Déi grouss Géigner vum Lucky Luke sinn déi véier Dalton Bridder, déi net ganz schlau sinn a sech am Fong just duerch hier Gréisst vun eneen ënnerscheeden. Deen dommsten vun hinnen as den Averell. Si iwwerfalen ëmmer nees Banken a Postkutschen a maachen de Leit d'Liewen onméiglech. D'Dalton Bridder sinn eng Uspillung op déi historesch Dalton Bridder, déi Banditten am Wëlle Westen waren.

Dem Lucky Luke säi Päerd, Jolly Jumper genannt, ass säi treie Frënd. Et ass immens gescheit a bekannt fir seng dacks witzeg Äntwerten. Nieft den Dalton Bridder ass de "Wuecht"hond Rantanplan och eng Haaptfigur aus der Comicsserie. Hie kënnt sengen Aufgaben als Wuecht- a Sichhond nëmme sielen no, well e meeschtens dat falscht mécht: Hie verwiesselt Frënd a Feind, an d'Spuren, deenen en nogoe soll. Dofir denkt hie léiwer u seng Lieblingsbeschäftegung, d'Friessen an d'Schlofen.

Um Enn vun engem Album reit de Lucky Luke ëmmer op sengem Päerd der Sonn entgéint, déi ënnergeet, an dobäi séngt hien I'm a poor lonesome cow-boy and a long long way from home ("Ech sinn en aarme Cow-boy a wäit wäit ewech vun doheem").


Historesch Personnagen[änneren | Quelltext änneren]

An der Lucky-Luke-Serie trieden eng Rëtsch historesch Personnagen op:

  • De Billy the Kid kënnt fir d'éischt an der Geschicht Hors la loi vir. Et muss een awer bis op de Band Billy the Kid waarden, bis säi physescht Ausgesin a säi Charakter gefestegt ass. Hien as den Haaptpersonnage an zwou Geschichten, deem schonn ernimmte Billy the Kid a L'Escorte. Desweidere fënnt een hien och a folgende Geschichten: Les Collines noires, Jesse James, Western Circus, Belle Starr a L'Homme de Washington.
  • D'Calamity Jane daucht fir d'éischt an der 23. Geschicht Lucky Luke contre Joss Jamon op. Dora gëtt si als eng Banditin duergestallt, eppes wat si awer weeder an der Réaliteit war, nach wat se spéider an der Serie ass. Hiert physescht Ausgesinn ännert sech och am Laf vun der Serie am Verglach zu hirem éischten Optrëtt. Eréischt am Band Calamity Jane kritt dëse Personnage säin definitivt Ausgesinn, dat e bis zum Schluss vun der Serie bäibehält. Nieft der Geschicht, déi hiren Numm dréit, ass d'Calamity Jane nach den Haaptpersonnage an enger zweeter Geschicht, der Chasse aux fantômes.
  • En anere President, deen och representeiert gëtt, ass de Rutherford B. Hayes, deen tëscht 1877 an 1881 den 19. President vun den USA war. Och hie vertraut dem Lucky Luke Missiounen un, haaptsächlech an der Geschicht: L'homme à Washington, wou hie wärend senger Campagne duerch d'Vereenegt Staate vum Lucky Luke eskortéiert gëtt.
  • Den Edwin Drake alias le colonel Drake kënnt an der Geschicht A l'ombre des derricks vir. Hien hëlleft dem Lucky Luke fir nees d'Gerechtegkeet an der Stad hierzestellen.
  • De Black Bart, e Bandit, deen ëmmer Postkutschen ugräift, kënnt an der Geschicht La diligence vir.
  • De Mark Twain huet an der Geschicht L'Héritage de Rantanplan en Optrëtt als Journalist, deen dem Luck Luke begéint.
  • Déi franséisch Sängerin Sarah Bernhardt kritt eng Geschicht, déi hiren Numm dréit. De Lucky Luke muss op Demande vum President fir hir perséinlech Sécherheet wärend hirer Tournée duerch d'Vereenegt Staate suergen .
  • An der Geschicht Le 'Daily Star' muss de Lucky Luke an der Stad Dead End City de jonke Journalist Horace Greeley, de Grënner vum Daily Star protegéieren.

Verschiddenes[änneren | Quelltext änneren]

De Lucky Luke huet am Laf vu sengem Liewen mam Fëmmen opgehal. De Morris gouf dofir 1988 vun der Weltgesondheetsorganisatioun mat engem Spezialpräis ausgezeechent, well hien dem Lucky Luke zanter 1983 d'Fëmmen ofgewinnt hat. Zanterdeems huet de Lucky Luke meeschtens e Grashallem amplaz vun enger Zigarett am Mond.

Nëmmen eng Kéier an all de Lucky-Luke-Geschichten, déi bis haut (Enn 2018) publizéiert goufen, kënnt et derzou, dass hien een erschoss huet. Dat geschouch an der zweeter Geschicht, déi 1947 erauskoum a La mine d'or de Dick Digger heescht (déi Geschicht koum 1949 nach eng Kéier am éischte richtege Album vum Lucky Luke eraus). Doran erschéisst de Lucky Luke de Mad Jim, deen een Doppelgänger vum Lucky Luke ass. De Lucky Luke sëtzt fälschlecherweis fir de Mad Jim am Prisong a gëtt am leschte Moment gerett duerch e Fehler vum Henker, dem Handy Harry. Iwwer all déi 80 Albumen bleift dat deen eenzege Muerd vum Lucky Luke.

Zeechnen[änneren | Quelltext änneren]

Um Gebitt vum Graphikdesign fënnt een an den Albumen vum Lucky Luke Biller, déi aus verschiddene Perspektive gezeechent sinn, an zwar wäitwénkleger grad ewéi och där aus der Fräschperspektiv. Déi Approche erënnert staark un d'Methoden aus dem Kino.

De Lucky Luke as eng Comic-Serie déi "karikatural" gemoolt ass. Dat heescht, datt d'Ëmwelt an d'physesch Gestalt vun de Personnage phantasievoll an och gär iwwerdriwwen duergestallt ginn. Dat weist zum Beispill de Gebrauch vu groussen Nuesen. De Morris huet awer och d'Faarwen op déi Aart a Weis duergestallt. Dat manifestéiert sech zum Beispill doduerch, datt hien den Himmel net blo moolt mä mat enger méi phantasievoller Faarf.

Dat kënnt och a verschiddenen Zeene vir, an deenen hien déi komplett Zeenerie mat enger Faarf gemoolt huet, wéi zum Beispill eng Brandzeen, déi ganz a Rout gemoolt ass. Domatt kritt déi Zeen en humoristeschen Aspekt; et erënnert souguer e bëssen u Pop-Art. .


Lëscht vun den Albume vum Lucky Luke[änneren | Quelltext änneren]

Bei den Editions Dupuis[änneren | Quelltext änneren]

  1. La Mine d'or de Dick Digger, Dupuis, Marcinelle, 1949
  2. Rodéo, Dupuis, Marcinelle, 1951
  3. Arizona, Dupuis, Marcinelle, 1951
  4. Sous le ciel de l'Ouest, Dupuis, Marcinelle, 1952
  5. Lucky Luke contre Pat Poker, Dupuis, Marcinelle, 1953
  6. Hors-la-loi, Dupuis, Marcinelle, 1954
  7. L'Élixir du Docteur Doxey, Dupuis, Marcinelle, 1955
  8. Phil Defer, Dupuis, Marcinelle, 1956
  9. Des Rails sur la prairie, Dupuis, Marcinelle, 1957
  10. Alerte aux Pieds-Bleus, Dupuis, Marcinelle, 1958
  11. Lucky Luke contre Joss Jamon, Dupuis, Marcinelle, 1958
  12. Les Cousins Dalton, Dupuis, Marcinelle, 1958
  13. Le Juge, Dupuis, Marcinelle, 1959
  14. Ruée sur l'Oklahoma, Dupuis, Marcinelle, 1960
  15. L'Évasion des Dalton, Dupuis, Marcinelle, 1960
  16. En remontant le Mississippi, Dupuis, Marcinelle, 1961
  17. Sur la piste des Dalton, Dupuis, Marcinelle, 1962
  18. À l'ombre des derricks, Dupuis, Marcinelle, 1962
  19. Les Rivaux de Painful Gulch, Dupuis, Marcinelle, 1962
  20. Billy the Kid, Dupuis, Marcinelle, 1962
  21. Les Collines noires, Dupuis, Marcinelle, 1963
  22. Les Dalton dans le blizzard, Dupuis, Marcinelle, 1963
  23. Les Dalton courent toujours, Dupuis, Marcinelle, 1964
  24. La Caravane, Dupuis, Marcinelle, 1964
  25. La Ville fantôme, Dupuis, Marcinelle, 1965
  26. Les Dalton se rachètent, Dupuis, Marcinelle, 1965
  27. Le 20ème de cavalerie, Dupuis, Marcinelle, 1965
  28. L'Escorte, Dupuis, Marcinelle, 1966
  29. Des Barbelés sur la prairie, Dupuis, Marcinelle, 1967
  30. Calamity Jane, Dupuis, Marcinelle, 1967
  31. Tortillas pour les Dalton, Dupuis, Marcinelle, 1967.

Bei den Editions Lucky Comics (ex Dargaud)[änneren | Quelltext änneren]

  1. La Diligence, Dargaud, Bruxelles, 19684
  2. Le Pied-tendre, Dargaud, Bruxelles, 1968
  3. Dalton City, Dargaud, Bruxelles, 1969
  4. Jesse James, Dargaud, Bruxelles, 1969
  5. Western Circus, Dargaud, Bruxelles, 1970
  6. Canyon Apache, Dargaud, Bruxelles, 1971
  7. Ma Dalton, Dargaud, Bruxelles, 1971
  8. Chasseur de primes, Dargaud, Bruxelles, 1972
  9. Le Grand Duc, Dargaud, Bruxelles, 1973
  10. L'Héritage de Rantanplan, Dargaud, Bruxelles, 1973
  11. Le Cavalier blanc, Dargaud, Bruxelles, 1975
  12. La Guérison des Dalton, Dargaud, Bruxelles, 1975
  13. L'Empereur Smith, Dargaud, Bruxelles, 1976
  14. Le Fil qui chante, Dargaud, Bruxelles, 1977
  15. 7 histoires de Lucky Luke, Dargaud, Bruxelles, 1974
  16. Le Magot des Dalton1, Dargaud, Bruxelles, 1980
  17. Le Bandit manchot, Dargaud, Bruxelles, 1981
  18. Sarah Bernhardt, Dargaud, Bruxelles, 1982
  19. La Corde du pendu et autres histoires, Dargaud, Bruxelles, 1982
  20. Daisy Town, Dargaud, Bruxelles, 1983
  21. Fingers, Dargaud, Bruxelles, 1983
  22. Le Daily Star, Dargaud, Bruxelles, 1984
  23. La Fiancée de Lucky Luke, Dargaud, Bruxelles, 1985
  24. La Ballade des Dalton et autres histoires, Dargaud, Bruxelles, 1986
  25. Le Ranch maudit, Dargaud, Bruxelles, 1986
  26. Nitroglycérine, Dargaud, Bruxelles, 1987
  27. L'Alibi, Dargaud, Bruxelles, 1987
  28. Le Pony Express, Dargaud, Bruxelles, 1988
  29. L'Amnésie des Dalton, Lucky Productions, 1991
  30. Chasse aux fantômes, Lucky Productions, 1992
  31. Les Dalton à la noce, Lucky Productions, 1993
  32. Le Pont sur le Mississippi, Lucky Productions, 1994
  33. Kid Lucky, Lucky Productions, 1995
  34. Belle Starr, Lucky Productions, 1995
  35. Le Klondike, Lucky Productions, 1996
  36. O.K. Corral, Lucky Productions, 1997
  37. Oklahoma Jim, Lucky Productions, 1997
  38. Marcel Dalton, Lucky Productions, 1998
  39. Le Prophète, Lucky Comics, 2000
  40. L'Artiste peintre, Lucky Comics, 2001
  41. La Légende de l'Ouest, Lucky Comics, 2002

D' Aventures de Lucky Luke nom Morris[änneren | Quelltext änneren]

Nom Doud vum Morris huet d'Série den Numm changéiert.

  1. La Belle Province, Lucky Comics, 2004
  2. La Corde au cou, Lucky Comics, 2006
  3. L'Homme de Washington, Lucky Comics, 2008
  4. Lucky Luke contre Pinkerton, Lucky Comics, 2010
  5. Cavalier seul, Lucky Comics, 2012
  6. Les Tontons Dalton, Lucky Comics, 2014
  7. La Terre promise, Lucky Comics, 2016
  8. Un cow-boy à Paris, Lucky Comics, 2018

Literatur[änneren | Quelltext änneren]

  • Defrenet, Bernard. La fonction subjectivante dans les mythes. Le meurtre du double. In: L’Esprit du temps, Topique 2003/3 no. 84
  • Leonardo, Vittorio; Morris. Lucky Luke, Der Betrug 2008
  • Lire Hors-Série, La vie secrète de Goscinny (no 6), 2006.

Referenzen[Quelltext änneren]