Marie-Paule Molitor-Peffer
| Marie-Paule Molitor-Peffer | |
|---|---|
| Gebuer |
7. Oktober 1929 Lëtzebuerg |
| Gestuerwen | 9. September 1999 |
| Nationalitéit | Lëtzebuerg |
| Aktivitéit | Doktesch |
| Famill | |
| Bestuet mat | Georges Molitor |
 | |
D'Marie-Paule Molitor-Peffer, gebuer de 7. Oktober 1929 an der Stad Lëtzebuerg, a gestuerwen den 9. September 1999 bei Loriol, war eng lëtzebuergesch Fraendoktesch.
D'Marie-Paule Molitor-Peffer war bekannt fir hiert Engagement a Punkto sexueller Opklärung a Partnerschaftsberodung. Als laangjäreg Presidentin (1967 bis 1992) vum Planning familial[1] huet si sech an der Press an op Radio Lëtzebuerg fir hiert Uleies agesat.
Si huet sech och géint de sexuellen Abus vu Kanner engagéiert, och duerch hir Elteren[2], a war Expertin fir sou Fäll viru Geriicht. Ausserdeem huet se Policeagente forméiert, wéi se Frae befroe sollten, déi eng Vergewaltegung erlidden haten[3].
D'Marie-Paule Molitor-Peffer ass den 9. September 1999 an engem Autosaccident, zesumme mat hirem Mann, dem Georges Molitor, leie bliwwen.
Gielercher
[änneren | Quelltext änneren]- "mention honorifique exceptionnelle" beim Prix Korczak 1997 vun der Stëftung Kannerschlass
- Prix Nic. Thoma vun der Enseignantsgewerkschaft FGIL
- Commandeur vum Ordre de Mérite du Grand-Duché de Luxembourg (Promotioun 1997)[4]
Follgend Gemengen hunn eng Plaz oder eng Strooss no der Marie-Paule Molitor-Peffer genannt:
- D'Gemeng Suessem huet 2009 eng vun den neie Stroossen op Belval-Nord no hir genannt.
- D'Gemeng Déifferdeng huet ëm 2012 eng vun den neie Stroossen am Quartier Arboria no hir genannt.
- D'Gemeng Mamer huet 2013 eng Strooss (Klunscheknupp) no hir ëmbenannt.
- Och zu Bartreng an zu Stroosse gëtt et eng Rue Rue Dr Marie-Paule Molitor-Peffer.
- D'Stad Lëtzebuerg huet am Joer 2023 op der Izeger Knupp – an engem neien Deel vu Bouneweg – eng vu sechs Stroossen déi den Numm vun enger Fra kruten, no hir genannt[5].
Wierker
[änneren | Quelltext änneren]- Sexualität ist mehr. (1982)
- Liebe Macht Mut. (1988)
Literatur
[änneren | Quelltext änneren]- Josiane Kartheiser: Ärztin ohne Furcht und Tadel - Dr. Marie-Paule Molitor-Peffer und ihr Lebenswerk. Editions Phi, 2023.
Referenzen
[Quelltext änneren]- ↑ "Marie-Paule Molitor-Peffer," In: d'Letzeburger Land, 39. Jg., nº 13 (27.03.1992), p. 2 [Digitised by the National Library of Luxembourg].
- ↑ "Virun 10 Joer ass d'Marie-Paule Molitor-Peffer verongléckt". rtl.lu, 09.09.2009, 10:06 - Fir d'lescht aktualiséiert: 09.09.2009, 14:01.
- ↑ „'Die Menschen auf dem Weg ins Glück begleiten'“ tageblatt.lu 09/09/2009 08:54:00
- ↑ Memorial B n° 44 vun 1997 mat der Lëscht vun de Leit déi 1997 eng national Auszeechnung kritt hunn Archivéiert den 21.01.2020. Gekuckt den 01.01.2013.
- ↑ (fr) Bottemer, Benjamin, City Octobre 2023. City 2023. vdl.lu (27.09.2023). Gekuckt den 28.09.2023.