Murchison (Meteorit)

Vu Wikipedia
E Brochstéck vum Murchison-Meteorit am National Museum of Natural History (Washington)
D'kueleg Chondritten Allende, Tagish Lake a Murchison

De Murchison ass en CM2-Chondrit, deen den 28. September 1969 am australesche Bundesstaat Victoria erofgefall ass. Et goufen ongféier 100 kg Material vun deem Meteorit gebuergen.

De Murchison ass e primitive kuelege Chondrit an domat fir d'Fuerschung besonnesch interessant, well d'Material vum Murchison zu den urspréngleche Stoffer aus eisem Sonnesystem gehéiert. Deementspriechend dacks gouf hien ënnersicht. Am Meteorit goufe vill organesch Verbindungen entdeckt, dorënner och Aminosaieren, déi fir biologesch Prozesser wichteg sinn, Diaminosaieren, déi als Virleefer vum éischte geneetesche Material op der Äerd diskutéiert ginn[1] a souguer Fullerene.[2] Dat war den éischte Nowäis vun Aminosaier an extraterrestreschem Material.[3] Wichteg war och, datt d'Fragmenter nom observéierte Fall séier opgesammelt goufen, soudatt eng Kontaminatioun mat ierdeschem Material gréisstendeels verhënnert gouf.

Donieft konnten am Meteorit och eelef verschidde Mineraler resp. hir Varietéiten nogewise ginn. Fir d'Mineral Murchisit gëllt de Meteorit och als Typlokalitéit a gouf no dësem genannt. Weider Mineraler sinn Chromit, Diamant, Eskolait, Graphit, Eisen, Kamacit, Olivin, Schreibersit, verschidde Serpentiner an Tochilinit.[4]

Kuckt och[änneren | Quelltext änneren]

Portal Astronomie

Literatur[änneren | Quelltext änneren]

Referenzen[Quelltext änneren]

  1. Uwe Meierhenrich: Amino Acids and the Asymmetry of Life. Springer-Verlag (2008), ISBN 978-3-540-76885-2
  2. Fullerenes: An extraterrestrial carbon carrier phase for noble gases Proc Natl Acad Sci U S A. 2000 March 28; 97(7): 2979–2983.
  3. Identification of diamino acids in the Murchison meteorite Proc Natl Acad Sci U S A. 2004 June 22; 101(25): 9182–9186.
  4. Mindat - Typlokalität Murchison meteorite, Murchison, Victoria, Australia

Um Spaweck[änneren | Quelltext änneren]