Neimillen (Wëntger)

Neimillen
D'Neimillen bei Houfelt (2014)
An anere Sproochen	fr: Neumühle de: Neumühle
Land	Lëtzebuerg
Kanton	Klierf
Gemeng	Wëntger
Buergermeeschter	Lucien Meyers (CSV)
Koordinaten	50° 04’ 47’’ N       05° 55’ 15’’ O

D'Neimillen ass e Lieu-dit an der Gemeng Wëntger a läit am Dall vun der Trëtterbaach um CR362, ongeféier op hallwer Streck tëscht dem Antoniushaff an Houfelt. Vun der Trëtterbaach goufen och d'Rieder vun der Millen ugedriwwen, déi op där Plaz bedriwwe gouf.

D'Gebai vun der fréierer Millen ass zanter dem 15. Februar 1990 op der Lëscht vum Inventaire supplémentaire vun den nationale Monumenter ageschriwwen.

Geschicht

1756 gouf et e Plang fir eng Millen op där Plaz ze bauen deen awer aus onbekannte Grënn net realiséiert gouf. D'Millen gouf dunn e puer Joer méi spéit 1759 vum Georg Closter gebaut. De Muelbetrib gouf nom Zweete Weltkrich agestallt, d'Mille war awer nach bis ëm 1970 betribsfäeg.

Bis zum Éischte Weltkrich hat d'Millen zwéi Gäng an zwee Waasserrieder. Se gouf benotzt fir d'Fruucht fir Brout an Déierefudder ze muelen, fir Fluess a Raps ze schloen a fir Holz ze seeën. Wärend dem Zweete Weltkrich gouf d'Millen nach mat verschiddenen neien Installatioune moderniséiert.

D'Mille war vun Ufank u bis 1990 ëmmer am Besëtz vun der selwechter Famill. Vun 1904 bis 1912 war se verpacht a vun 1912 bis 1918 ass net dra geschafft ginn.

Kuckt och

• Millen zu Lëtzebuerg
• Lëscht vun den nationale Monumenter an der Gemeng Wëntger
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied