Nicolas Hommel

Nicolas Hommel
Gebuer	8. Oktober 1915 Wolwen
Gestuerwen	20. Mäerz 2001 Lëtzebuerg
Nationalitéit	Lëtzebuerg
Aktivitéit	Diplomat, Affekot

Den Nicolas Hommel, gebuer den 8. Oktober 1915 zu Wolwen (deemools Gemeng Pärel, haut Rammerech) a gestuerwen den 20. Mäerz 2001 zu Lëtzebuerg, war e lëtzebuergeschen Diplomat.

Hie war 1973 bis 1980 Generalsekretär vum Conseil vun den Europäesche Gemeinschaften.

Liewen a Karriär

Den Hommel huet zu Louvain an zu Paräis Droit studéiert a krut en Doktorat am Droit.

Vun 1939 bis 1941 war hien Affekot um Stater Barreau.

1946 ass hien an den diplomateschen Déngscht agetrueden, wou hie vun 1946 bis 1948 Member vun der Lëtzebuerger Militärmissioun zu Berlin a Vetrieder beim Inter-alliéierte Bureau fir Reparatiounen zu Bréissel war.

Vun 1949 bis 1959 war hie Stännege Vertrieder vu sengem Land bei der Organisatioun fir wirtschaftlech Zesummenaarbecht an Europa a bei der NATO.

Vun 1959 bis 1962 war hie Lëtzebuerger Ambassadeur an der Belsch, a vun 1963 bis 1967 a Frankräich. Dono war hie kuerz, vun 1967 bis 1968, Generalsekretär vum Ausseministère vu Lëtzebuerg.

Vun 1968 bis 1973 war hien nees Ambassadeur an der Bundesrepublik Däitschland, a vun 1973 un an Dänemark (mat Residenz an Däitschland).

Vun 1973 bis 1980 war den Hommel Generalsekretär vum Conseil vun den Europäesche Gemeinschaften.

Gielercher

• Grand Officier de la Légion d'honneur
• Grand Croix de l'Ordre de Léopold
• Grand Croix de l'Ordre de la Couronne
• Officier de l'Ordre de mérite civil et militaire d'Adolphe de Nassau
• Officier de l'Ordre de Mérite du Grand-Duché de Luxembourg
• Chevalier de l'Ordre de la couronne de chêne