Paul-Pierre Henry
| Paul-Pierre Henry | |
|---|---|
| Gebuer |
21. August 1848 Nanzeg |
| Gestuerwen |
4. Januar 1905 Paräis |
| Nationalitéit | Frankräich |
| Aktivitéit | Astronom |
| Famill | |
| Geschwëster | Prosper-Mathieu Henry |
 | |
De Paul-Pierre Henry, gebuer den 21. August 1848, a gestuerwen de 4. Januar 1905, a säi Brudder Prosper-Mathieu Henry, ware franséisch Optiker an Astronomen.
Nom Doud vum Jean Chacornac waren déi zwéi Bridder mat der Opstellung vu Stärekaarte beopdraagt ginn. Fir d'Aufgab z'erliichteren hu se d'Fotografie benotzt. Déi dozou noutwendeg Instrumenter, inklusiv de groussen Objektiv, hate si selwer hiergestallt. Hinnen ass déi séier Entwécklung vun der Astrofotografie am 19. Joerhonnert wesentlech ze verdanken.
Si hunn ettlech Teleskopen an aner astronomesch Instrumenter hiergestallt. Am Observatoire vu Paräis hat jiddweree vun de Bridder siwen Asteroiden entdeckt (kuckt Lëscht vun den Asteroiden). Am November 1885 hu si fir d'alleréischt fotografesch de Reflexiounsniwwel ëm d'Plejaden entdeckt.
No de Bridder gouf en 42 km grousse Moundkrater Henry Freres, de Marskrater Henry, souwéi den Asteroid (1516) Henry genannt.
Um Spaweck
[änneren | Quelltext änneren]- Publikatioun vum P. Henry am Astrophysics Data System
- Noruff op de Paul Henry am Astrophysics Data System
