Pierre Toussaint Stéfani
| Pierre Toussaint Stéfani | |
|---|---|
 | |
| Pseudonym | Litty, Lutty, Litti |
| Gebuer |
16. Januar 1872 Lëtzebuerg |
| Gestuerwen |
28. Januar 1932 Clinique Saint-François |
| Doudesursaach | Sepsis |
| Nationalitéit | Frankräich, Lëtzebuerg |
| Aktivitéit | Bünekënschtler |
| Famill | |
| Bestuet mat |
Marie Wagner, Pauline Blomiser |
| Papp | Toussaint Stéfani |
| Mamm | Maria Speidel |
 | |
De Pierre Toussaint Stéfani, gebuer als Peter Toussaint Stéfani[1][2] de 16. Januar 1872 an der Stad Lëtzebuerg[3], an do gestuerwen den 28. Januar 1932[4], war e lëtzebuergeschen Entertainer mat franséischen Originnen, deen ënner dem Kënschtlernumm de Litty (oder de Litti, och nach de Lutty) opgetrueden ass.
Dem Luxemburger Wörterbuch no geet den Ausdrock „E stellt sech wéi de Litti“ op de Pierre Toussaint Stéfani zeréck[5].
Säi Liewen
[änneren | Quelltext änneren]De Pierre-Toussaint war de Bouf vum Toussaint Stéfani (gebuer op Korsika ) an der Maria Speidel. Hie gouf de 6. Februar 1900 mat der Marie Wagner, gebierteg vu Metz, bestuet[6]. Méi spéit, de 6. Dezember 1913, dunn am zweete Bestietnes mat der Kënschtlerin Pauline Blomiser (1885-1965) vu Metz[7][8].
De Pierre-Toussaint huet sech 1893 naturaliséiere gelooss.
Vum Enn vum 19. Joerhonnert un ass de Pierre-Toussaint als professionelle Variété-Artist zu Lëtzebuerg opgetrueden. Spéitstens ëm 1914 huet zu Lëtzebuerg jiddereen de Litty kannt.
Hien ass deels eleng opgetrueden, soss am Duo mat der Victorine Chalois, genannt Bobby (1895-1988) oder am Trio (Trio Litty). 1923 huet hie sech aus dem Variété-Geschäft zeréckgezunn, hat awer vun 1923-1924 de Restaurant Chez Litty zu Munneref. Duerno huet hie bis zu sengem Doud erëm an der Stad Lëtzebuerg gelieft, wou hien de 27. Januar 1932 am Spidol Saint-François um Fëschmaart un enger Bluttvergëftung gestuerwen ass.[3]
Literatur
[änneren | Quelltext änneren]- Urwald, G., 2022. « De Fausti vun deemools?» BNL – Wëssen entdecken (22): de Lëtzebuerger Ënnerhalungskënschtler genannt de Litty kënnt virun 150 Joer zu Lëtzebuerg op d'Welt. – Die Warte 16|2723 vum 12. Mee 2022, S. 12.
Um Spaweck
[änneren | Quelltext änneren]Referenzen an Notten
[änneren | Quelltext änneren]- ↑ "Luxembourg, Registres d'état civil, 1796-1941", FamilySearch (https://www.familysearch.org/ark:/61903/1:1:7DBV-MRT2 : Thu Jul 11 15:44:17 UTC 2024), Entry for Peter Toussaint Stéfani and Toussaint Stéfani, 17 Jan 1872.
- ↑ (de) Geburtsschäin N° 18 S. 125. Ville de Luxembourg, Archives nationales (19.01.1872). Gekuckt den 03.01.2026.
- 1 2 Georges Urwald 2022 an der Literatur
- ↑ (fr) Décès.. L'indépendance luxembourgeoise, 62. Jg., nº 49, p. 3. (18.02.1932). Gekuckt den 21.11.2024.
- ↑ (de) „Litti“. Luxemburger Wörterbuch, digitalisierte Fassung im Wörterbuchangebot der Universität Luxemburg, Department of Humanities. Gekuckt den 03.01.2026.
- ↑ "Luxembourg, Church and Civil Registration, 1601-1923", FamilySearch (https://www.familysearch.org/ark:/61903/1:1:6LHV-4V37 : Mon Mar 04 21:03:02 UTC 2024), Entry for Peter Toussaint Stéfani and Toussaint Stéfani, 6 Feb 1900.
- ↑ (fr) Mariages.. In: L'indépendance luxembourgeoise, 43. Jg., nº 347/348, p. 3. (12.12.1913). Gekuckt den 21.11.2024.
- ↑ "Luxembourg, Church and Civil Registration, 1601-1923",FamilySearch (https://www.familysearch.org/ark:/61903/1:1:6L8V-G6ST : Mon Mar 04 21:15:49 UTC 2024), Entry for Peter Toussaint Stéfani and Toussaint Stéfani, 6 Dec 1913.