Schëld B, 5

Schëld B, 5

Virfaart fir de Verkéier deen entgéintkënnt
Bezeechnung	B, 5
Kategorie	Virfaartsschëld
Land	Lëtzebuerg
ageféiert	23. November 1955

D'Schëld B, 5 ass e Virfaartsschëld aus dem Lëtzebuerger Code de la route, dat ugëtt, datt een op enger enker Plaz dem Verkéier deen entgéint kënnt, d'Virfaart iwwerloosse muss an datt et verbueden ass an den enke Passage eranzefueren, wann een net derduerch fuere kann, ouni datt de Verkéier deen entgéint kënnt, stoebleiwe muss.

Dëst Schëld kann nëmmen opgestallt gi wann d'Chauffere sech op der ganzer Längt vum enke Passage géigesäiteg gesinn. D'Schëld B, 5 muss an der Géigerichtung vum Schëld B, 6 opgestallt ginn.

Originaltext aus dem Code de la route

„5. Priorité à la circulation venant en sens inverse - Le signal B,5 indique à un passage étroit que les conducteurs doivent céder le passage aux conducteurs qui viennent en sens inverse et qu'il leur est interdit de s'engager dans le passage étroit tant qu'il ne leur est pas possible de le traverser sans obliger les conducteurs en sens inverse à s'arrêter.

Ledit signal ne peut être mis en place que si les conducteurs peuvent se voir mutuellement sur toute l'étendue du passage étroit. Le signal B,6 doit être mis en place dans le sens inverse de celui du signal B,5“

– Artikel 107 – II. Signaux de priorité

.

Bemierkungen

Falsche Gebrauch vum Schëld

• D'Schëld B, 5 gehéiert zu de Schëlter déi 1955 an der éischter Versioun vum Code de la route agefouert goufen; et war deemools ënnert der Nummer 14 vum Artikel 107 definéiert.
• Geleeëntlech gëtt d'Schëld B, 5 falsch gebraucht, andeems et op der Kopp opgestallt gëtt.

Dimensioune vum Schëld

An den Uertschaften muss den Duerchmiesser vum Schëld op d'mannst 500 mm a baussent den Uertschaften op d'mannst 700 mm sinn.

Biller

• 
  Verkéiersschëld B,5
• 
  D'Schëlter B, 6 (lénks) a B, 5 am Verglach niewenteneen

Um Spaweck

Commons: Virfaartsschëlter – Biller, Videoen oder Audiodateien