Sumatra

Vu Wikipedia
Op d'Navigatioun wiesselen Op d'Siche wiesselen
Sumatra
Sumatra.png
 
Geographie
Land Flag of Indonesia.svg Indonesien
Läit an/am Indeschen Ozean
Koordinaten: 00° 00’ 00’’ N
      102° 00’ 00’’ O
Fläch 473.481 km²
Verwaltung
Verwaltungseenheet 10 Provënzen
Demographie
Awunnerzuel 50 Mio (2010)
Lag

Sumatra ass eng 473.481 km² grouss Insel, déi zu Indonesien gehéiert. Et ass déi sechstgréisst Insel op der Welt.

Sumatra ass eng 1700 Kilometer laang, an Nordwest-Südost-Richtung, an 370 Kilometer breet. An der Mëtt vun der Insel geet den Equator driwwer.

Se läit um westleche Wupp vun Indonesien, dat aus enger Kette vun Insele besteet. Südëstlech vu Sumatra läit, duerch déi 40 Kilometer breet Sundastrooss getrennt – d'Haaptinsel Java. Den Tobaséi am Norde vun der Insel ass dat, wat vum Ausbroch vun engem Supervulkan, viru ronn 75.000 Joer, rescht bliwwen ass.

D'Barisanbierger (Gunung Barisan) op Sumatra fänke laanscht d'Westküst un a ginn da wat et méi no Südoste geet, méi héich. Den héchste Bierg ass de Gunung Kerinci mat 3.805 Meter. Déi ëstlech Hallschent vun der Insel ass flaach; bal d'Hallschent vum bis 300 km breede Flaachland besteet aus Suppen.

Virgelagert Inselen[änneren | Quelltext änneren]

Am Osten, an der Strooss vu Malakka, leien eng Rëtsch flaach INselen (indonesesch: 'Pulau') virun der Côte:

Méi südlech, virun der Ostküst, leien d'Insele Bangka a Belitung . Vitun der Landspëtzt Aceh am Nordwest läit d'Insel Weh.

Laanscht d'Südwestküst leien, am Norden ugefaangen:

An der Sundastrooss, am Süde vu Sumatra, leien d'Vulkaninsel Krakatau, Legundi, Sebuku a Sebesi.

Administrativ Andeelung[änneren | Quelltext änneren]

Provënzen

Sumatra mat den Insele ronderëm ass an 10 Provënzen agedeelt, déi hirersäits an Distrikter a Stied ënnerdeelt sinn (Kabupaten a Kota):

Populatioun[änneren | Quelltext änneren]

Op Sumatra an de virgelagerten Insele liewe ronn 50 Millioune Leit (Stand: 2010); eppes iwwer 100 pro Quadratkilometer.

Ekonomie[änneren | Quelltext änneren]

Op Sumatra gëtt et bedeitend Gisementer vu Pëtrol. 70 % vum Akommes vun Indonesien gëtt op Sumatra generéiert. Och de Biergbau Kuelen, Gold, Bauxit ann Zënn spillt eng wichteg Roll. An der Landwirtschaft gëtt ëmmer méi Palmueleg ugebaut, donieft spille Kautschuk, Peffer, Kaffi an Tubak eng Roll.

Fir d'Landwirtschaft goufe grouss Deeler vum tropesche Reebësch, deen et do gouf, ofgeholzt. Wat dovu Rescht ass, gouf 2004 vun der UNESCO als Naturmonument op d'Lëscht vun de Weltnaturierfschaften opgeholl.

Um Spaweck[änneren | Quelltext änneren]

Commons: Sumatra – Biller, Videoen oder Audiodateien