Viking-Programm

De Viking-1-Orbiter

De Viking-1-Lander (NASA-Modell)

De Viking-Programm vun der NASA gëllt als en Héichpunkt an der Mars-Fuerschung. Déi zwou Raumsonden Viking 1 an 2 waren den 20. Juli an den 3. September 1976 erfollegräich gelant an hunn zanter Mars 3 nees Biller vun der Marsuewerfläch op d'Äerd geschéckt.

De Programm gouf no de Wikinger, déi als éischt an Amerika geseegelt waren, genannt.

Missiounen

De Start vu Viking 1

Chryse Planitia, d'Landegebitt vun der Sond Viking 1

All eenzel Viking-Sond bestoung aus enger Mammen- an Duechtersond. D'Mammesond sollt eng Ëmlafbunn (Orbit) ëm de Mars aschloen, an duerno sollt d'Duechtersond sech oftrennen an op der Uewerfläch vum Planéit landen.

• D'Viking 1 gouf den 20. August 1975 vum Launch Complex 41 op Cape Canaveral mat enger Titan 3E/Centaur gestart. Se hat hir Ëmlafbunn ëm de Mars den 19. Juni 1976 erreecht. D'Duechtersond ass den 20. Juli 1976 an der Landschaft Chryse Planitia gelant. Mam Orbiter gouf bis de 7. August 1980 de Kontakt gehalen, mam Lander souguer bis den 11. November 1982. De Lander gouf de 7. Januar 1982 no engem Wëssenschaftler dee beim Projet matgeschafft hat, an Thomas A. Mutch Memorial Station ëmgenannt.
• D'Viking 2 gouf den 9. September 1975 mam selwechte Rakéitentyp vun der selwechter Startramp aus gestart. Si hat hir Ëmlafbunn de 7. August 1976 erreecht. D'Landung war den 3. September 1976 an der flaacher Géigend Utopia Planitia. De Kontakt mam Orbiter hat bis de 25. September 1978 gehalen, a bis den 11. Abrëll 1980 dee mam Lander. De Lander gouf 2001 posthum nom Grënner vun der NASA Academy an Gerald Soffen Memorial Station ëmgenannt.

Daten

• Béid Sonde ware mat enger Titan3E/Centaur-Rakéit gestart ginn.
• D'Sonden haten e Gewiicht vu ronn 2.900 Kilogramm, dovun 2.300 kg op d'Mammesond a 600 kg op d'Duechtersond.
• Déi béid Orbiter hate 37.000 (Viking 1) an 19.000 (Viking 2) Biller vum Planéit Mars a senge Mounden Deimos a Phobos iwwermëttelt.
• D'Lander hate jiddweree ronn 2.300 Biller iwwermëttelt.
• Déi ganz Missioun hat ongeféier 1 Milliard Dollar kascht.

Kuckt och

Portal Astronomie

• Lëscht vun onbemannte Raumfaartmissiounen
• Lëscht vu kënschtlechen Objeten um Mars

Literatur

• Bruno Stanek, Ludek Pesek: Neuland Mars, Erkundung eines Planeten, Hallwag Verlag, Bern a Stuttgart (1976) ISBN 3-444-10197-X

Um Spaweck

Commons: Viking – Biller, Videoen oder Audiodateien

• D'Viking Missioun
• (en) NASA Viking Seite
• (en) Space.com Artikel
• (en) Marsdaily.com zu neie Fuerschungsresultater
• Foto vun de Viking-Landepositiounen um Mars (JPEG, 3,8 Megabyte)
• (en) Éischt Fotoen vun der noer Marsuewerfläch
• (en) Das ganze Viking Team: The Martian Landscape, Scientific and Technical Information Office, National Aeronautics and Space Administration, Washington, D.C. (1978), NASA-SP-425, bei NASA History Online und als 281,3 MB großes PDF vom NASA Technical Report Server
• (en) Carr, M. H.; Baum, W. A.; Blasius, K. R.; Briggs, G. A.; Cutts, J. A.; Duxbury, T. C.; Greeley, R.; Guest, J.; Masursky, H.; Smith, B. A., et al., Viking orbiter views of Mars, Scientific and Technical Information Branch, National Aeronautics and Space Administration, Washington, D.C. (1980), NASA-SP-441, bei NASA History Online an als PDF mat 53,4 MB vum NASA Technical Report Server