Wallenduerf

Vu Wikipedia
Op d'Navigatioun wiesselen Op d'Siche wiesselen
Wallendorf
lb: Wallenduerf od. Wuelenduerf
DEU Wallendorf COA.svg
Blickaufwallendorf.jpg
Aussprooch
Land Däitschland
Bundesland Rheinland-Pfalz
Krees DEU Eifelkreis Bitburg-Pruem COA.svg Béibreg-Prüm
Verbandsgemeng Südeifel
Awunner 344 (30 September 2019)
Fläch 871 ha
Héicht 180 m
Koordinaten 49°52'46"N, 6°17'22"O
Telefonszon 06566
Postcode 54675
Websäit http://www.wallendorf-eifel.de
Wallendorf in BIT.svg


Wallendorf, op lb. Wuelenduerf oder Wallenduerf, ass eng däitsch Grenzuertschaft an eng Uertsgemeng an der Verbandsgemeng Südeifel am Äifelkrees Béibreg-Prüm.

Geographie[änneren | Quelltext änneren]

Wallenduerf läit um Zesummelaf vun der Our an d'Sauer. D'Uertschaft ass duerch zwou Grenzbrécke mat Lëtzebuerg verbonnen, d'Ourbréck an d'Sauerbréck. Op der Lëtzebuerger Säit vun der Sauer läit d'Uertschaft Wallenduerfer Bréck.

Geschicht[änneren | Quelltext änneren]

Wallenduerf am Joer 1944

Eng virgeschichtlech Besidelung vun der Géigend ëm Wallenduerf ass schonn fir d'Steenzäit beluecht. Statuen, Bijouen a Grafbäilage beleeën eng intensiv Besidelung duerch d'Réimer an duerno duerch d'Franken.

1136 gëtt d'Uertschaft fir d'éischt ënner dem Numm Vualcheresdorf schrëftlech festgehalen, woubäi den Numm entweder op dat laténgescht Wuert vallis (= Dall) oder op de réimeschen Numm Valo zréckzeféieren ass. Spéider ass vu Waildorff oder Valendorff Rieds.

Bis 1789 war Wallenduerf den Haaptuert vun enger Meierei vun der Grofschaft Veianen, am Besëtz vun den Hären vu Fiels zu Méischtref.

Am Zweete Weltkrich gouf zu Wallenduerf dräimol gekämpft an d'Uertschaft gouf dobäi gréisstendeels zerstéiert. Um grenziwwerschreidende Wanderwee "Promenade du souvenir" kann een zu Wallenduerf en intakte Bunker vum däitsche Westwall besichen.

Kuckeswäertes[änneren | Quelltext änneren]

  • d'"Bischofskappe", e Fiels a Form vun enger Bëschofsmutz;
  • de Genovevabur, opgeriicht nom zweete Weltkrich als Erënnerung un d'Genovevafestspiele, mat deenen den Neesopbau vun der Kierch a vun der Kapell am Joer 1952 finanzéiert gouf;
  • de Fëscherbur, e klenge Duerfbur;
  • en intakte Bunker vum Westwall, deen e besichen kann;
  • de Kierfecht, an dem iwwer 300 Zaldote begruewe leien.

Illustratiounen[änneren | Quelltext änneren]

Literatur[änneren | Quelltext änneren]

  • Arens, Bernhard, 2009. Chronik Wallendorf – "Vu gester bis haett" – Geschichte(n) erlebt und erzählt. Europäischer Universitätsverlag 2009, ISBN 978-3-932329-63-0, 495 S., zahlreiche farbige Abbildungen – 27,5 x 21,5 cm, 1. Auflage 18. Dezember 2009, Reihe Zeitzeugen – Zeitdokumente Bd. 24.
  • Gaul, Roland, 1994/95. Zwischen Sauer und Our. Band 1 und 2. Luxemburg.
  • Karen, Fred, 1989. Kriegesereignisse im Frontabschnitt der Untersauer. Luxemburg.

Um Spaweck[änneren | Quelltext änneren]

Commons: Wallenduerf (Äifel) – Biller, Videoen oder Audiodateien