Zwieleffangerdaarm

Vu Wikipedia
Lokalisatioun vum Zwieleffangerdaarm am Kierper vum Mënsch.

Den Zwieleffangerdaarm, am Fachberäich Duodenum, ass den éischten Deel vum Daarm, a méi spezifesch vum Dënndaarm, vun de meeschten Wierbeldéieren, dorënner de Mamendéieren, de Reptiller an de Vullen. Bei de Fësch ass d'Ënnerdeelung vum Dënndaarm net ëmmer kloer.

Den Zwieleffangerdaarm fänkt hannert dem Mo un. En ëmschléisst de Kapp vun der Bauchspeicheldrüs a Form vun engem Huffeisen. Beim erwuessene Mënsch ass en duerchschnëttlech 30 Zentimeter laang an domat de kierzten Deel vum Dënndaarm.[1] Bei dern Déieren, déi idderzen a bei de Päerd ass en esouguer 1 bis 1,5 Meter laang.[2],[3] Op sengem Enn geet den Zwieleffangerdaarm an de Jejunum iwwer.

D'Aufgab vum Duodenum ass et, de sauere Contenu vum Mo ze neutraliséieren, andeem e Sekreet bäigemëscht gëtt, dat räich u Bicarbonat ass.[4] Donieft ginn hei dem Bräi aus dem Mo d'Verdauungsenzymer aus der Bauchspeicheldrüs an aus den den Drüse vum Zwieleffangerdaarm selwer (Duodenaldrüsen oder Brunner-Drüsen) an d'Gal bäigemëscht.

Den Numm "Zwieleffangerdaarm" geet op den griicheschen Dokter Herophilus aus der Antikitéit zréck. Hien huet ëm 300 v. Chr. d'Längt vun deem Deel vum Daarm bei den Déieren, déi en dissektéiert huet, op eng Breet vun zwielef Fanger geschat. Dat laténgescht Wuert duodenum kënnt vum algriichesche Wuert dodekadaktulus, dat "12 Fanger breet" bedeit.[5]

Kuckt och[änneren | Quelltext änneren]

Commons: Zwieleffangerdäerm – Biller, Videoen oder Audiodateien

Referenzen[Quelltext änneren]

  1. DocCheck Flexikon: Duodenum
  2. DocCheck Flexikon: Duodenum (Wiederkäuer)
  3. DocCheck Flexikon: Duodenum (Pferd)
  4. B. Säfsten: Duodenal bicarbonate secretion and mucosal protection. Neurohumoral influence and transport mechanisms, in Acta Physiologica Scandinavica, 1993:613:1-43
  5. Robert Lewis Maynard, Noel Downes: "Alimentary Canal or Gastrointestinal Tract", in Anatomy and Histology of the Laboratory Rat in Toxicology and Biomedical Research, 2019, op sciendedirect.com