Antonín Mrkos

Vu Wikipedia
Wiesselen op: Navigatioun, sichen

Den Antonín Mrkos, gebuer de 27. Januar 1918 zu Střemchoví a gestuerwen den 29. Mee 1996 zu Prag, war en tschecheschen Astronom.

De Mrkos huet um Štefánik-Observatoire an der haiteger Slowakei an um Kleť-Observatoire an dem haitegen Tschechien geschafft. An den 1950er Joren huet hien als Member vun enger sowjetescher Expeditioun 18 Méint an der Antarktis verbruecht an huet do ënner anerem och d'Polarliichter studéiert.

Spéider ass hien nach op eng aner Expeditioun ageluede ginn. De Mrkos war zu där Zäit och Member vun der Protection civile an de Bierger rondrëm de Lomnický štít an huet ëm déi 100 Persounen aus schwierege Lage gerett.

1965 huet de Mrkos den Observatoire op Kleť iwwerholl an dem Observatoire seng Renommé ënner anerem duerch den Abau vu Maksutov-Teleskope verbessert. De Mrkos war och Dozent op de mathematesch-physikalesche Léierstill op den Universitéite Prag an České Budějovice.

Hien huet 11 Koméiten entdeckt, dorënner den 18P/Perrine-Mrkos, den 124P/Mrkos an den C/1957 P1 souwéi 273 Asteroiden.

Kuckt och[änneren | Quelltext änneren]

Saturn 01.svg Portal Astronomie