Autobunn A1 (Lëtzebuerg)

Vu Wikipedia
Wiesselen op: Navigatioun, sichen
A1 - Tréierer Autobunn
Map - A1 - LU.svg
Zeechen Verdeeler
EU-Icon.svg Däitsch Grenz - A64
AB-Brücke.svg Sauerdallbréck
AB-AS-blau.svg 15 Waasserbëlleg
AB-Brücke.svg Viaduc Sernigerbaach
AB-Brücke.svg Sir-Viaduc
AB-AS-blau.svg 14 Mäertert
AB-AS-blau.svg 13 Potaaschbierg
AB-AS-blau.svg 12 Fluessweller
AB-AS-blau.svg 11 Mënsbech
AB-AS-blau.svg 10 Cargocenter
AB-AS-blau.svg 9 Sennengerbierg
AB-Kreuz-blau.svg Uschloss A7 Kräiz Gréngewald
AB-AS-blau.svg 8 Kierchbierg
AB-Tunnel.svg Tunnel Cents
AB-AS-blau.svg 7 Hamm
AB-Brücke.svg Victor-Bodson-Bréck
AB-Tunnel.svg Tunnel Houwald
AB-Kreuz-blau.svg A3/A6 Gaasperecher Kräiz

D'Autobunn A1, och Tréierer Autobunn genannt, ass eng lëtzebuergesch Autobunn am Kanton Lëtzebuerg an am Kanton Gréiwemaacher. Se fänkt un um Gaasperecher Kräiz a mécht d'Verbindung mat Däitschland op der Héicht vu Waasserbëlleg wou se op der Grenz iwwer d'Sauer geet. Vun do un iwwerhëlt déi däitsch A64 de Verkéier.

Den Tracée vun der A1 leeft méi oder manner parallel zu der N1.

D'Tréierer Autobunn ass Deel vun der Europastrooss E44.

D'A1 huet eng Längt vu 36,7 km.

D'A1 gouf an e puer Phase fir de Verkéier opgemaach:[1]

  • 6. September 1988: Waasserbëlleg - Potaschbierg
  • 11. Juni 1990: Mënsbech - Sennengerbierg
  • 26. Juni 1992: Potaschbierg - Mënsbech (d'Mëttelsstéck huet méi laang gesdauert, well et déi néideg Geneemegunge gebraucht huet, fir duerch en Naturschutzgebitt ze fueren. An der Tëschenzäit ass de Verkéier weider iwwer d'N1 geleet ginn, mat enger Zuchbarrière an der Mëtt.)
  • 20. Mee 1994: Gaasperecher Kräiz - Sortie "Iergaart"

Dobäi koumen 1996 an 2002 Aarbechten um Stéck tëscht Iergaart a Sennéngerbierg, ë. a. fir den Uschloss un d'A7 ze preparéieren. Gläichzäiteg mam fäerdegstelle vum Süd-Ost-Contournement vun der Stad gouf ugefaangen, den haidege Boulevard John-F.-Kennedy um Kierchbierg, deen ufanks als Autobunn konzipéert war (an och A1 genannt gouf) zu engem Boulevard zréckzebauen.

Op der Streck vu Gasperech bis op Waasserbëlleg goufen e puer grouss Brécken an Tunnelle gebaut:

  1. de Viaduc Drousbaach
  2. den Tunnel um Houwald bei Hesper
  3. d'Victor-Bodson-Bréck, eng Schréiseelbréck iwwer den Uelzechtdall.
  4. den Tunnel um Cents
  5. d'Neiduerfer Autobunnsbrécken OA 1177 an OA 1176
  6. den Uewersir-Viaduc bei Nidderaanwen
  7. de Sir-Viaduc bei Mäertert
  8. de Viaduc iwwer d'Sernigerbaach op der Wollefsmillen bei Waasserbëlleg
  9. d'Sauerdallbréck iwwer d'Sauer op der Grenz mat Däitschland

Um Spaweck[änneren | Quelltext änneren]

Commons: A1 (Luxembourg) – Biller, Videoen oder Audiodateien

Referenzen[änneren | Quelltext änneren]

  1. Evolution du réseau autoroutier. Administration des Ponts et Chaussées.
RWB-RWBA Autobahn.svg
Autobunnen zu Lëtzebuerg
RWB-RWBA Autobahn.svg

A 1 | A 3 | A 4 | A 6 | A 7 | A 13