Entrange

Entrange lb: Entreng
D'Kapell vun Entreng-Cité D'Kapell vun Entreng-Cité
Land	Frankräich
Regioun	Grand Est
Departement	Moselle
Arrondissement	Thionville
Kanton	Yutz
Postcode	57330
Gemengecode	57194
Koordinaten	49° 24’ 48’’ N       06° 06’ 18’’ O
Fläch	399 ha
Bevëlkerung	1.247 (2016)

Entrange (lb: Entréng) ass eng Gemeng am franséischen Departement Moselle an der Regioun Grand Est.

Geschichtleches

Ënner dem Ancien Régime war Entrange souwuel op administrativem wéi op reliéisem Plang mat der Gemeng Œutrange verbonnen. Allebéid hu se zu der Seigneurerie Escherange gehéiert, déi hirersäits vun der Abtei Neimënster vu Lëtzebuerg ofhoung.

Kapell vun Entrange

Am Joer 1970 gouf Œutrange an d'Gemeng Diddenuewen erageholl, an Entrange gouf sou eng onofhängeg Gemeng.

Geographesches

Am Weste stéisst d'Gemeng Entrange un d'Gemeng Escherange, am Norden un d'Gemeng Kanfen an am Süden un d'Uertschaft Éitreng an der Gemeng Diddenuewen.

Minièren

Wéi 1899 d'Minière Charles Ferdinand opgemaach huet, gouf dat soziaalt Liewen am Dierfchen zimmlech gerëselt. Et koum zum Bau vun Aarbechterkolonien an enger Kapell, déi no bei der Minière gebaut goufen, e Strapp ewech vum alen Duerfkär.

Haut

Zanter d'Minière 1979 zougemaach huet, schafft eng Majoritéit vun den Awunner op der EDF-Zentral vu Kettenuewen, zu Diddenuewen oder zu Lëtzebuerg, dat eng Dose Kilometer wäit ewech ass.

Sport a Fräizäit

Entrange huet eelef Veräiner mat iwwer 800 Memberen, dorënner

• Amifort Entrange, déi sech ëm déi sëllege Fortifikatioune ronderëm Entrange këmmert
• A.S. Entrange, de Foussballclub

Kuckeswäertes

• D'Kasematte vum "Abri du Zeiterholz"

Kuckt och

• Departement Moselle
• Arrondissementer am Departement Moselle
• Kantonen am Departement Moselle
• Lëscht vun de Gemengen am Departement Moselle

Um Spaweck

• D'Websäit vum A.S. Entrange