Diddenuewen
|
|||||
|---|---|---|---|---|---|
.svg) |
|||||
| Land |  Frankräich |
||||
| Regioun |  Loutrengen |
||||
| Departement |  Moselle |
||||
| Arrondissement | Diddenuewen-Ost Diddenuewen-West |
||||
| Kanton | Thionville-Est Thionville-Ouest |
||||
| Code Insee | 57672 | ||||
| Postcode | 57100 | ||||
| Koordinaten | 49° 21' 32" N 06° 10' 09" O |
||||
| Fläch Uertschaft | 4.986 ha | ||||
| Bevëlkerung Uertschaft | 41.795 (2007) | ||||
Diddenuewen (fr.: Thionville; de.: Diedenhofen) ass eng franséisch Stad am Departement Moselle an den Haaptuert vun zwéin Arrondissementer an zwéi Kantonen.
Inhaltsverzeechnes |
Geographie [änneren]
Diddenuwen läit am Dall vun der Musel, a mat Ausnahm vum Quartier mat der Gare läit d'Stad ganz um lénksen Uwänner.
D'Stad Diddenuewen huet sech staark duerch Fusioune mat Nopeschgemengen vergréissert :
- Veymerange am Joer 1967
- Volkrange mat den Uertschafte Metzange a Beuvange am Joer 1969
- Koeking an Œutrange am Joer 1970
Nopeschuertschaften: Algrange, Angevillers, Entrange, Cattenom, Hettange-Grande, Florange, Illange, Manom, Terville, Yutz.
Geschicht [änneren]
Diddenuewen gëtt fir d'éischte Kéier an enger Chronik vum Joer 753 als Theodonis Villa ernimmt. Deemols war et nach nëmmen eng Pfalz vum fränkeschen Herrscher. No an no ass Diddenuewen zu enger Stad erugewuess, krut 1239 ee Fräiheetsbréif an huet bis zum Joer 1659 zum Herzogtum Lëtzebuerg gehéiert: duerch den Traité vun de Pyrenäen, deen tëscht dem Louis XIV. a Spuenien ënnerschriwwe gouf, koum Diddenuewe mat sengem Ëmland u Frankräich.
Tëscht der franséischer Nidderlag vun 1870/71, no där dat 2. Däitscht Räich 1871 zu Versailles ausgeruff gouf, huet Diddenuewen bis November 1918, am Kader vum annektéierten Elsass-Loutrengen, zu Däitschland musse gehéieren. Vun 1918 u gehéiert Diddenuewen zu Frankräich, wann ee vun der däitscher Re-Annektéierung am Zweete Weltkrich emol ofgesäit.
Demographie [änneren]
Während der Industrieller Revolutioun ass d'Bevëlkerungszuel vun Diddenuewen schëtzeg an d'Luucht gaangen. Wéinst dem economesche Réckgank an den 1970er Joren huet se dunn awer nees ofgeholl, wat souguer nach haut an der Agglomeratioun esou weidergeet, wann och e wéineg méi lues. Diddenuewen selwer a seng Faubourgen hunn zënter den 90er Joren awer nees zougeluecht, virun allem duerch eng nei Populatioun vu Frontalieren, déi all Dag a Richtung Lëtzebuerg schaffe fiert. Doduerch sinn zu Diddenuewen d'Immobiliepräisser och däitlech geklommen, mä ëmmer nach net grad esou staark wéi zu Lëtzebuerg selwer.
Literatur [änneren]
- Guillaume Ferdinand Teissier, Histoire de Thionville suivie de divers mémoires ; Metz (Verronnais, imprimeur-libraire-éditeur), 1828.
- Gabriel Stiller, Un siècle d'histoire thionvilloise 1559-1659 ; Metz (éd. Le Lorrain), 1959; 224 Säiten.
- Paul Noël, Thionville, cité méconnue ; Région de Thionville - Études historiques, Heft 18; Diddenuewen (Librairie Pierron-Marx) & Sarreguemines (Imprimerie Pierron), 1989.
- François Roth (sous la direction de), Histoire de Thionville ; Metz (éd. Serpenoise) & Diddenuewen (Gérard Klopp éd.), 1995.
- Philippe Stachowski, Une région frontalière entre Luxembourg et Lorraine 1500-1789 ; Lëtzebuerg & Diddenuewen (Gérard Klopp, éditeur-imprimeur), 2011; 299 Säiten (ill.); ISBN 2-911992-70-9
Kuckt och [änneren]
- Departement Moselle
- Arrondissementer am Departement Moselle
- Kantonen am Departement Moselle
- Lëscht vun de Gemengen am Departement Moselle
Um Spaweck [änneren]
| Commons: Diddenuewen – Biller, Videoen oder Audiodateien |
