Johann Elert Bode

Vu Wikipedia
Wiesselen op: Navigatioun, sichen
Johann Elert Bode

De Johann Elert Bode, gebuer den 19. Januar 1747 zu Hamburg; a gestuerwen den 23. November 1826 zu Berlin, war en däitschen Astronom.

1786 ass hien Direkter vum Berliner Observatoire ginn. Scho 1776 huet hien een Astronomescht Joerbuch erausginn. De Bode verëffentlecht 1772 déi vum Johann Daniel Titius 1766 entdeckten an nëmmen an enger Foussnout ernimmten empiresch Formel (Titius-Bode-Rei). No dëser Regel loosse sech bis bei den Uranus déi ongeféier Ofstänn vu Planéitebunne vun der Sonn duerstellen.

De Bode ass an der Fachwelt virun allem wéinst sengen Aarbechten iwwer d'Bunn vum Uranus bekannt, dee 1781 entdeckt gouf. An ale Stärekatalogen huet de Bode e ganze Koup Positioune vum Uranus fonnt, déi zwar de Planéit als Stär mat dem Numm 34 Tauri registréiert haten. De Bode huet awer erkannt, datt deen een an deen aneren de selwechte Planéit war, nämlech den Uranus. Doduerch war et méiglech, d'Planéitebunn méi fréi wéi erwaart a mat héijer Prezisioun ze berechnen. Duerch Onstëmmegkeete vu berechnete Positiounen gouf dann 1846 de Neptun entdeckt. D'Benennung vum Uranus geet op de Virschlag vum Bode zréck. Virdru gouf de Planéit och Herschel no sengem Entdecker Wilhelm Herschel oder Georgium Sidus nom englesche Kinnek George III. genannt.

Nom Bode gouf e Moundkrater an en Asteroid (998) Bodea benannt.

Kuckt och[änneren | Quelltext änneren]

Commons: Johann Elert Bode – Biller, Videoen oder Audiodateien

Saturn 01.svg Portal Astronomie