Berlin

Dëse Geographiesartikel iwwer Däitschland ass eréischt just eng Skizz. Wann der méi iwwer dëst Thema wësst, sidd der häerzlech invitéiert, aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran.

Berlin

Land	Däitschland
Bundesland:	Berlin (Land)
Koordinaten:	52° 31' 00 N, 13° 23' 40 E
Fläch:	891,75 km²
Awunner:	3 440 441 (31. Mäerz 2010)
Bevëlkerungsdicht:	3.803 / km²
Héicht:	34-60 m i. NN
Buergermeeschter:	Klaus Wowereit (SPD)

Berlin ass d'Haaptstad vun Däitschland an déi gréisste Stad vun deem Land, souwuel, wat d'Zuel vun den Awunner ugeet, ewéi vun der Surface hir. Et ass och en eegenstännegt däitscht Bundesland.

Historesch war Berlin méifach Haaptstad: vun der Markgrofschaft/Kurfürstentum Brandenburg, vum Kinnekräich Preisen, vum Däitsche Räich a vun der DDR. Zanter der Erëm-Vereenegung vun Däitschland, den 3. Oktober 1990, ass Berlin Haaptstad vun der Bundesrepublik Däitschland an zënter 1999 och hire Parlaments- a Regierungssëtz.

D'Stad ass e bedeitende Verkéiersknuet an e wichtegt Wirtschafts-, Kultur- a Bildungszentrum mat enger ganzer Rëtsch Universitéiten, Héichschoulen, Fuerschungsetablissementer, Theateren, Muséeen a kulturell oder historesch wichtege Gebaier.