Olympesch Summerspiller 1924

VIII. Olympesch Summerspiller

Natiounen	44
Athleten	3092 (2956 Männer 136 Fraen)
Competitiounen	126 a 17 Sportaarten
Erëffnung	4. Mee 1924
Schlussfeier	27. Juli 1924
opgemeet vun:	Gaston Doumergue Staatspresident
Olympeschen Eed	Georges André

D'Olympesch Summerspilller vu 1924 oder och Spiller vun der VIII. Olympiad waren zu Paräis.

Paräis huet domat fir déi zweete Kéier d'Olympesch Spiller vun der Neizäit organiséiert.

Organisatioun [änneren]

D'olympesch Devise : Citius, Altius, Fortius, (Méi séier, méi héich, méi staark) gouf 1924 zu Paräis agefouert grad sou d'Gewunnecht fir déi dräi Fändele bei der Schlusszeremonie eropzezéien an zwar dee vum CIO, dee vum Land wou Spiller sinn an dee vum Land wou d'Spiller déi nächste Kéier sinn.
Stied, déi Kandidat ware fir 1924: Amsterdam, Barcelona, Los Angeles, Prag a Roum.
Däitschland war vun den Olympesche Spiller 1924 vum CIO ausgeschloss ginn.
Et goufe gebaut:
- De Stade de Colombes, 60.000 Plazen, dovun 20.000 Sëtzplazen.
- D'Piscine des Tourelles, den éischte 50 m Baseng, an deem d'Linnen duerch Seeler mat Korkestëpp ofgedeelt waren.
- En olympescht Duerf zu Colombes, dat éischt iwwerhaapt.