AC/DC

Vu Wikipedia
Wiesselen op: Navigatioun, sichen
AC/DC
AC DC at London's Olympic Stadium.jpg
AC/DC bei engem Concert am Londoner Olympiastadion (2016)
Grënnung: November 1973
Genre: Hard Rock
Website (us): www.acdc.com
Grënnungsmemberen
Lead-Gittar: Angus Young
Rhythmus-Gittar: Malcolm Young (1973-2014)
Gesank: Dave Evans (1973-1974)
Bassgittar: Larry Van Kriedt (1973-1974)
Perkussioun: Colin John Burgess (1973-1974)
Aner längerfristeg fréier Memberen
Gesank: Bon Scott (1974-1980†)
Batterie: Phil Rudd (1975-1983 an 1994-2015)
Bassgittar: Mark Evans (1974-1977)
Bassgittar: Cliff Williams (1977-2016)
Gesank: Brian Johnson (1980-2016)
Perkussioun: Simon Wright (1983-1989)
Aktuell Memberen
Lead-Gittar: Angus Young
Rhythmus-Gittar: Stevie Young (1988 an 2014-haut)
Batterie: Chris Slade (1989-1994 an 2015-haut)
Gesank: Axl Rose (2016-elo)

AC/DC ass eng australesch Hard-Rock-Band, déi Enn des Joer 1973 vun den a Schottland gebuerene Bridder Angus McKinnon Young (* 31. Mäerz 1955) (Markenzeechen: Schouluniform mat kuerzer Box) a Malcolm McKinnon Young (* 6. Januar 1953) gegrënnt gouf.

Op den Numm si se duerch d'Margereth, d'Schwëster vun de Young-Bridder, komm. Si huet d'Opschrëft AC/DC (Wiesselstroum/Gläichstroum) op enger Bitzmaschinn gesinn, an huet fonnt datt déi Ofkierzung déi staark Musek vun der Band géif perfekt symboliséieren (méi spéit huet den Angus Young behaapt, hien hätt AC/DC als éischt op engem Stëbssuckeler entdeckt). Allerdéngs ass AC/DC an engleschsproochege Länner och en Ausdrock fir Bisexualitéit, a sou hate si um Ufank vun hirer Carrière eng hëtzeg Diskusioun ausgeléist. AC/DC ass haut nach aktiv.

Geschicht[änneren | Quelltext änneren]

Den éischten Optrëtt hat AC/DC op Silvester 1973. Den éischte Succès am Ausland huet sech (1976) mat der LP "High Voltage" an Highway to Hell (1979) gewisen.

Nieft deenen zwéi Young-Bridder huet och de Bon Scott (* 9. Juli 1946; † 19. Februar 1980) mat senger rockeger a rauer Stëmm iwwerzeegt. Hien ass 1980 u sengem eegenen Erbrachenem erstéckt. Mam Brian Johnson (* 5. Oktober 1947), dem fréiere Sänger vun Geordie, deen zum Band-Image gepasst huet, ass et weidergaangen. Den éischten Album, deen AC/DC mam neie Sänger verëffentlecht huet, war Back in Black am Juli 1980. Während d'Grupp mam Bon Scott éischter bluesduerchwuessenen haarde Rock 'n Roll gespillt hunn, huet se mam Brian Johnson de Schrack zum Hard Rock gemaach. Sou gouf Back in Black hiren Album mam gréisste Succès vun allen Zäiten.

Den Titelsong For Those About To Rock aus dem Joer 1981 huet sech quasi zur AC/DC-Hymne entwéckelt a gëtt haut nach meeschtens um Schluss vun all Concert gespillt.

Nom Album Back in Black koum, zwar no ville weideren Albumen, kee groussen Erfolleg an den 80er zustan. Eréischt an den 90er mat The Razor's Edge an dem Lidd "Thunderstruck" koume si zréck an d'Hitparaden. No The Razor's Edge, sinn d'Young-Bridder erëm op hiren Urspronk zréckkomm. D'Albume Ballbreaker a Stiff Upper Lip sinn däitlech vum Boogie-Woogie, Rock 'n' Roll a Blues markéiert. Als musekalescht Virbild gëtt ëmmer erëm den Chuck Berry genannt, deem säin "Duckwalk" feste Bestanddeel vum Angus Young senger Bühneshow ass.

Dee leschte verëffentlechten Album ass Stiff Upper Lip aus dem Joer 2000 gewiescht.

Fir hiert Liewenswierk goufen AC/DC am Mäerz 2003 an d'Rock and Roll Hall of Fame opgeholl.

2014 huet de Malcolm Young mat der Band opgehalen, well hien ugefaangen huet dement ze ginn. 2016 ass de Frontmann vu Guns N' Roses, den Axl Rose, den neie Sänger vun AC/DC ginn.

Gallery[änneren | Quelltext änneren]

Diskographie[änneren | Quelltext änneren]

Studioalbumen[änneren | Quelltext änneren]

  • 1974: High Voltage (australesch Editioun)
  • 1975: T.N.T. (australesch Editioun)
  • 1976: High Voltage (international Editioun)
  • 1976: Dirty Deeds Done Dirt Cheap
  • 1977: Let There Be Rock
  • 1978: Powerage
  • 1979: Highway to Hell
  • 1980: Back in Black
  • 1981: For Those About to Rock We Salute You
  • 1983: Flick of the Switch
  • 1985: Fly On The Wall
  • 1988: Blow Up Your Video
  • 1990: The Razor's Edge
  • 1995: Ballbreaker
  • 2000: Stiff Upper Lip
  • 2008: Black Ice
  • 2014: Rock or Bust

Live-Albumen[änneren | Quelltext änneren]

  • 1978: If You Want Blood You've Got It
  • 1992: AC/DC Live
  • 2012: Live at River Plate

EP[änneren | Quelltext änneren]

  • 1984: '74 Jailbreak

Soundtrack-Albumen[änneren | Quelltext änneren]

  • 1986: Who Made Who (Soundtrack zum Stephen-King-Film "Maximum Overdrive")
  • 2010: Iron Man 2 (Soundtrack zum Film mam selweschten Numm)

Videoalbumen[änneren | Quelltext änneren]

  • 1979: Let There Be Rock
  • 1985: Fly on the Wall (Reklammsfilm fir d'CD Fly On The Wall ze lancéiren)
  • 1986: Who Made Who
  • 1991: AC/DC (nëmmen an Australien verëffentlecht)
  • 1991: Clipped
  • 1992: Live at Donington (Live um "Monsters of Rock Festival" zu Donnington)
  • 1996: No Bull (Live op der Plaza de Toros)
  • 2001: Stiff Upper Lip Live (Live am Olympia-Stadion zu München)
  • 2005: Family Jewels (Duebel-DVD mat Videoclipen a Matschnëtter vu fréier bis haut)
  • 2007: Plug Me In (Duebel-DVD mat Concertsmatschnëtter, Videoclipen, Interviewen a villen Extraen)
  • 2011: Live at River Plate

Déi zwou Duebel DVDen Family Jewels a Plug Me In hu jeeweils ëmmer eng DVD déi d'Ära Bon Scott dokumentéiert an déi aner DVD déi d'Ära Brian Johnson dokumentéiert. Dobäisief och gesot, datt Family Jewels u sech nëmmen erauskoum well AC/DC hirer aler Plackefirma Elektra dem Kontrakt no nach eng Verëffentlechung schëlleg war. Dëst gëtt däitlech duerch de Fakt datt Family Jewels kaum Bonus Material beinhalt an och am direkte Vergläich zur anerer Duebel-DVD Plug Me In relativ eidel ausgesäit. Dobäi muss awer och ernimmt ginn datt d'Material vu béiden Duebel-DVDe komplett ënnerschiddlech ass an d'Videoe vu Fly on the Wall och op der Family Jewels drop sinn.

Literatur[änneren | Quelltext änneren]

Um Spaweck[änneren | Quelltext änneren]

Commons: AC/DC – Biller, Videoen oder Audiodateien