Inhalter vun der Säit ginn an anere Sproochen net ënnerstëtzt.
Vu Wikipedia
Moien,
Dir hutt eng Foto vun der Francine Closener eropgelueden; merci dofir.
Alerdéngs feele wichteg Informatiounen zum Bild: Ween den Auteur ass a wat fir eng Lizenz e sengem Bild ginn huet. Op Wikipedia, respektiv der Medien-Datebank Wikimedia Commons, dierfen nëmmer Biller deposéiert sinn, déi eng fräi Lizenz hunn (Liest dozou op Commons d'Instructiounen dozou). All Biller, déi deem net entspriechen, oder wou d'Informatioun dozou feelt, musse leider nees geläscht ginn.
Wann Dir den Auteur vum Bild sidd, gitt dat op der Explikatiounssäit zum Bild un a gitt em eng CC-by-sa Lizenz. Wann net, musst der per-E-mail d'Averständnis vum Auteur un ORTS schécken (och dat gëtt op Commons erkläert) an déi Lizenz uginn, déi hie/si gär hätt.
Villmools Merci fir Äert Intressi un der Wikipedia! Mir schaffen hei zesummen dorun, eng fräi zougänglech, gratis, neutral a méiglechst ausféierlech Enzyklopedie a Lëtzebuerger Sprooch op d'Been ze setzen. All Mataarbecht ass wëllkomm, déi dëst Zil méi no bréngt: sief dat, en Tippfeeler ze verbesseren, eng Informatioun dobäizesetzen oder z'aktualiséieren, oder carrement en neien Artikel ze schreiwen!
Fir datt d'Artikelen e Minimum un Eenheetlechkeet hunn, an och, fir Krittären ze hunn, wat heihi gehéiert a wat net, hu mer eis eng Rëtsch Reegelen oder Konventioune ginn. Wann Dir hei ganz nei sidd, huelt Iech wgl. een Ament Zäit, fir hei drënner ze liesen, wéi een déi éischt Schrëtt mécht. Loosst Iech awer net doduerch ofschrecken: et ass manner komplizéiert, wéi et op den éischte Bléck ausgesäit! Aner Mataarbechter paken och am Ufank gär eng Hand mat un, wat Formatéierungen oder Zweiwele mat der Orthographie ubelaangt. Et gëtt keen hei gestengegt, wann e sech iert ;-) Déi wichtegst "Reegel" ass: "Sief kéng!"
Dës Säit ass Är perséinlech Diskussiounssäit. All Mataarbechter huet sou eng, an et ass d'Plaz, fir Messagë vun anere Mataarbechter ze kréien, resp. ze hannerloossen. Wëllt Dir engem anere Mataarbechter schreiwen, maacht dat op senger Diskussiounssäit, an ënnerschreift mat 4 Tilden (sou: ~~~~) oder klickt op e Knäppche wéi deen hei: . Ofgeschéckt gëtt da mam Klicken op "Säit späicheren". Vill Spaass, an op eng gutt Zesummenaarbecht!
