Bréck vu Schengen

Bréck vu Schengen

Geographie
Land	Lëtzebuerg Däitschland
Plaz	Schengen Perl
Koordinaten	49° 28’ 17.8’’ N       06° 22’ 04.5’’ O
Funktioun
Benotzt als	Strossebréck
Féiert iwwer	d'Musel
Technesch Detailer
Bréckentyp	Cantilever
Totallängt	147,50 m
Felder/Béi	39,00 + 69,5 + 39,00
Material	Gespaante Bëtong
Bemierkungen
Opgaangen	24. Oktober 1959

D'Bréck vu Schengen ass eng Grenzbréck iwwer d'Musel tëscht den Uertschafte Schengen zu Lëtzebuerg a Perl an Däitschland. Se steet um Flosskilometer 241,955. Zu Lëtzebuerg féiert s'um Uwänner vun der Musel iwwer den CR152B an iwwer d'Bréck leeft d'Nationalstrooss 10 an an Däitschland un d'B407 uschléisst, déi 250 m duerno an engem Rond-point Uschloss un d'B419 huet.

D'Bréck gouf de 24. Oktober 1959 ageweit. Mam Fährbetrib, deen 1947 agefouert gi war, gouf doropshin zougemaach.

Et ass eng vu fënnef Brécken iwwer d'Musel tëscht Lëtzebuerg an Däitschland. Déi aner véier sinn:

• Viaduc vu Schengen
• Bréck vu Réimech
• Bréck vu Wuermer
• Bréck vu Gréiwemaacher

Déi éischt Bréck

Déi éischt Bréck zu Schenge gouf den 9. Mee 1909 ageweit. Et war eng stole Bréck am Fachwierkträgerbau déi aus dräi Felder bestanen huet. D'Feldwäite waren 39,80 + 69,50 + 39,80 Meter an um lénksen Uwänner stoung nach eng kleng stenge Boubréck iwwer déi d'Opfaartsramp gefouert huet. Dat mëttelst Feld huet aus engem Bou bestanen dat deemools schonn nom System Bowstring vun der Firma Paul Wurth gebaut gi war an déi zwee Säitefelder waren e Stännerfachwierk. D'Bréck huet op Steesockelen an der Musel opgeleeën. D'Fuerbunn war 5 m breet an op all Säit war en Trëttoir vun 1,87 m.

Virum Bau vun der Bréck huet eng Fähr déi zwou Uertschafte verbonn.

Gläich am Ufank vum Zweete Weltkrich de 15. September 1939 um 9:15 Auer hunn d'Pionéier vun der Wehrmacht de rietse Flosspilier gesprengt.

Literatur

• Weber, Heinrich Theodor, 1997. - Brücken über die deutsch-luxemburgische Grenze. Gollenstein, Blieskastel. ISBN 3-930008-61-0

Kuckt och

• Lëscht vun däitsch-lëtzebuergesche Grenzbrécken

Um Spaweck

Commons: Bréck vu Schengen – Biller, Videoen oder Audiodateien

• Die Moselbruecke in Schengen (éischt Bréck)