Caunes-Minervois

Vu Wikipedia
Op d'Navigatioun wiesselen Op d'Siche wiesselen
Caunes-Minervois
center}}}
Land Flag of France.svg Frankräich
Regioun Blason Région Occitanie - Fond transparent.png Occitanie
Departement Blason département fr Aude.svg Aude
Arrondissement Carcassonne
Kanton Rieux-Minervois
Postcode 11160
Gemengecode 11081
Koordinaten 43° 19’ 39’’ N
02° 31’ 44’’ O
Fläch  2 720 ha
Bevëlkerung  1 660 (2011)

Caunes-Minervois ass eng Stiedchen a Südfrankräich am Departement Aude, an der Regioun Occitanie. Caunes-Minervois läit um Fouss vum Biergmassiv Montagne Noire; duerch d'Uertschaft fléisst den Argent-Double, en Zoufloss vun der Aude.

Geschicht[änneren | Quelltext änneren]

Caunes-Minervois ass ronderëm enger Benediktiner-Abtei entstanen déi géint 780 vum Paschtouer Anian gegrënnt gouf. Déi ursprénglech Karolengerkierch déi zerstéiert gouf, ass lues a lues – tëscht dem 11. a 14. Joerhonnert – duerch déi Gebaier ersat ginn, déi haut nach bestinn.

Industrie[änneren | Quelltext änneren]

Carriére du Roi Caunes-Minervois.jpg

Caunes-Minervois gouf bekannt duerch seng Steebréch wou hellroude Marmer (marbre rouge incarnat) ofgebaut gouf. Och wann d'Exploitatioun vum Marmer schonn an der Antiquitéit ugefaangen hat, sou koum et awer eréischt am 17. Joerhonnert zu enger méi wichteger Entwécklung. Sou gouf aus der „Carrière du Roy“ Marmer ofgebaut fir d'Saile vum Trianon am Schlass vu Versailles, vun der Opéra de Paris oder vum Arc de Triomphe hirzestellen.

De Marmer huet sech viru 400 Millioune Joer lues a lues am Häerz vun der „Montagne Noire“ entwéckelt. Déi hellrout Faarf vum Marmer erkläert sech doduerch, datt Eisenoxid am Kallek ass.

Zwéi Steebréch ginn haut nach exploitéiert: dee vu Villerambert an dee vun Terralbes. Dës zwéin, awer och d'„Carrière du Roy“ kann ee kucke goen.

Kuckeswäertes[änneren | Quelltext änneren]

Abtei „Abbaye Saint-Pierre et Saint-Paul“[änneren | Quelltext änneren]

Kapell „Notre Dame du Cros“[änneren | Quelltext änneren]

No enger Seeche gouf e Kand wéi duerch e Wonner gesond, nodeems et Waasser aus enger Quell gedronk hat. Iwwer der Quell goufen als Undenken 3 Hellegestatuen opgeriicht a méi spéit (am 12. Joerhonnert) ass op der Gedenkplaz eng Kierch gebaut ginn. Dës gouf am 15. an duerno am 18. Joerhonnert renovéiert a mat Marmer dekoréiert.

D'Kierch läit ongeféier 1,5 km baussent der Uertschaft selwer.

Uertschaft[änneren | Quelltext änneren]

  • Iwwerreschter vun de Festungsmaueren déi Caunes ëmginn hunn;
  • Mëttelalterlech Gaasse mat verschiddenen „Hôtels particuliers“ (hôtel de Sicard, hôtel d'Alibert, Hôtel de Tapié) mat Eckfensteren;
  • Réimerbréck;

Skulpturen aus roudem Marmer[änneren | Quelltext änneren]

  • Eng Serie vun ongeféier 20 Skulpturen aus dem Marmer vu Caunes-Minervois sinn am Duerf verdeelt

Kuckt och[Quelltext änneren]


Um Spaweck[änneren | Quelltext änneren]

Commons: Caunes-Minervois – Biller, Videoen oder Audiodateien