Eech am Mouerbësch

Eech am Mouerbësch
D'Eech mam Bamkriibs am Mouerbësch (Februar 2024)
Kategorie	Bemierkenswäert Beem zu Lëtzebuerg
Land	Lëtzebuerg
Gemeng	Leideleng
Plaz	Schléiwenhaff
Adress	Mouerbësch
Koordinaten	49°34'55,34"N, 6°2'34,76"O
Bamaart	Eechen
Héicht	28,90 m (2023)
Duerchmiesser	0,92 m (2023)
Ëmfang	2,89 m (2023)

Eech am Mouerbësch

Lag vum bemierkenswäerte Bam

Deen aussergewéinleche Bamkriibs op der Eech am Mouerbësch

D'Eech am Mouerbësch, ass eng Eech (Quercus, (fr) chêne, (de) Eiche) déi beim Schléiwenhaff an der Gemeng Leideleng steet an déi wéinst der spezieller Ausbreedung vun hirer Kränkt zënter 2023 zu de bemierkenswäerte Beem zu Lëtzebuerg gehéiert.

Lokalisatioun

De Bam steet am Mouerbësch, westlech vum Lieu-dit Schléiwenhaff an der Kadastersektioun Leideleng vun der Gemeng Leideleng. Fir bei de Bam, geet e vum CR163 um Schléiwenhaff aus iwwer iwwer den Akerheckwee ronn 800 m bis bei den Ufank vum Bësch. Do wou de Makadamm ophält, geet ee lénks duerch d'Schneis, parallel mam Bord vum Bësch, bis een d'Eech no ronn 80 m op senger lénker Säit huet.

Entwécklung

Dës Eech leit un enger Krankheet, déi Bamkriibs ((fr) chancre, vum lat. cancer) genannt gëtt, an déi an dësem Fall am ënneschten Deel vum Stamm eng Zort „Schwier“ vun enger aussergewéinlech Gréisst gebilt huet. Dëse Schwier ass op déi defensiv Reaktioun vum Bam op Bakteerien oder Pilzen déi d'Schuel attackéieren, zeréckzeféieren. Am Holz gëtt doropshin eng Zort Barriär gebilt, fir d'Andrénge vum Parasit ze verhënneren. Den infizéierten Tissu gëtt esou vun deem gesonden isoléiert, an d'Ausbreedung vun de Parasitte gëtt gebremst.

Ongeféier Moosse vum Bam (m)

Joer	$U$	$d$	$h$
2023	2,89	0,92	28,90

$U$ = Ëmfang; $d$ = Duerchmiesser; $h$ = Héicht

Biller

• D'Eech am Mouerbësch am Laf vum Joer
• 
  Fréijoer ()
• 
  Summer ()
• 
  Hierscht ()
• 
  Wanter (2024)

Literatur

• Murat, D. & M. Feldtrauer-Molitor (Koordinatioun), 2023. Les arbres remarquables du Grand-Duché de Luxembourg. Editeuren: Administration de la nature et des forêts (ANF) an natur&ëmwelt asbl. ISBN 978-2-9199474-3-0 (cf. S. 156-157, Foto an Text)

Kuckt och

• Eech um Schléiwenhaff
• Bemierkenswäert Beem zu Lëtzebuerg

Um Spaweck

Commons: Eech am Mouerbësch – Biller, Videoen oder Audiodateien

Referenzen an Notten

• Quell vum Artikel wou net anescht uginn: Les arbres remarquables… an der Literatur