Fédération luxembourgeoise des pêcheurs sportifs
D'Fédération luxembourgeoise des pêcheurs sportifs, kuerz FLPS, ass de Lëtzebuerger Sportfëscherverband.
Historique[änneren | Quelltext änneren]
D'Fédération luxembourgeoise des pêcheurs sportifs gouf den 29. August 1926 zu Gréiwemaacher an d'Liewe geruff. Membere vum Grënnungskommitee waren: Nicolas Streng, Gréiwemaacher, Garagiste (President); Henri Liesenbein, Bouneweg, Fabrikant (Vizepresident); Antoine Braun, Gréiwemaacher, Proprietär vun enger Dréckerei (Sekretär); Michel Bourkel, Biereng, Comptabel (Member); Michel Faber, Schlässer, Bouneweeg (Member); Metty Weber, Diddeleng, Beamten op der Schmelz (Member); Guillaume Jager, Gréiwemaacher, Schoulmeeschter (Member); Philippe Schmitt, Gréiwemaacher, Geschäftsmann (Member); Jos Wolter, Diddeleng, Geschäftsagent (Member). An der Kommiteessitzung vum 29. Dezember 1926 ass dëst Grënnungsgremium duerch en definitive Kommitee ersat ginn, deem säi President de Guillaume Jager gouf.[1]
Vun 1938 un huet d'Federatioun eng eegen Zäitschrëft, De Lëtzeburger Sportfëscher, erausginn.[2] Éischt Redakteren dovu waren de Charles Arnold (1938-1956), duerno de Jos Hoffmann (1956-1959) an de Jos Braun (1959-1977).[3] Vun 1985 bis 2003 (Nr. 2) ass si ënner dem Titel Fëscher a Jéer[4] erauskomm, duerno als Fëscher, Jeeër an Hondsfrënn.[5]
Presidenten[änneren | Quelltext änneren]
- 1926 - 1926: Nicolas Streng
- 1926 - 1927: Guillaume Jager
- 1927 - 1927: Philippe Schmitt
- 1927 - 1935: Metty Jeitz
- 1935 - 1951: François Fixmer
- 1952 - 1965: Paul Elvinger
- 1966 - 1990: Frinn Zürn
- 1990 - 2010: Gusty Graas
- zanter 2010: Jos Scheuer
Literatur[änneren | Quelltext änneren]
- Christen, P., 2001. Historik des Luxemburger Sportfischerverbandes. In: Fëscher a Jéer, Jg. 2001, Nr. 1, S. 9-14. PDF
Referenzen[Quelltext änneren]
- ↑ Christen 2001, S. 10.
- ↑ De Lëtzeburger Sportfëscher: Organ vum Landesverband Lëtzeburger Sportfëscher. BNL
- ↑ Braun, J., 1991. Über Angler und Fische. Luxemburger Wort 1991, No 119 (25. Mai), S. 23.
- ↑ Fëscher a Jéer: périodique des chasseurs, des pêcheurs et autres amis de la nature. BNL.
- ↑ Fëscher, Jeeër an Hondsfrënn: organe périodique de la FHCL, Fédération Saint-Hubert des chasseurs du Grand-Duché de Luxembourg, de la FLPS, Fédération luxembourgeoise des pêcheurs sportifs et de l'UCH, Union cynologique St-Hubert. BNL