Féngeg

Féngeg Féngig
Aussprooch
An anere Sproochen	fr: Fingig de: Fingig
Land	Lëtzebuerg
Kanton	Capellen
Gemeng	Käerjeng
Buergermeeschter	Michel Wolter (CSV)
Awunner	498
	1. Januar 2023
Fläch	3,62 km²
Héicht	354 m
Koordinaten	49° 36’ 9’’ N       5° 53’ 59’’ O

Féngeg (lokal: Féngig) ass eng Uertschaft an der Gemeng Käerjeng. Bis Enn 2011 huet se zu der fréierer Gemeng Kënzeg gehéiert, déi mat der Gemeng Nidderkäerjeng zur Gemeng Käerjeng fusionéiert huet.

Hydrogeographesches

Féngeg läit um Waasserscheed vum Rhäin- a vum Meusebaseng. Déi Linn läit an der Uertschaft selwer praktesch de ganzen Zäit um CR101, bis an den Ausgank vum Duerf an Direktioun Héiweng. Bei de leschten Haiser geet se da vun der Strooss fort no Südosten, hanne laanscht déi zwee lescht Haiser, erop op d'Kopp bei de klenge Muer Märchen, wou se dann op Héiweng an der Gemeng Garnech eriwwer zitt.

D'Märchen ass e klenge Muer op der Gemengegrenz mat enger Waasserfläch vu ronn 20 Ar. Ronderëm zitt sech e klenge Bësch, an dat Ganzt ass ongeféier 2 ha grouss.

D'Baachen déi zu Féngeg hir Quellen hu lafen all weider an d'Musel a gehéieren domat zum Anzuchsgebitt vum Rhäin. Et sinn dëst: d'Falterbaach, d'Këschel an d'Wëlleschbaach.

Eng vun deenen dräi soll wann et dem Recueil de statistiques par commune 2003 nogeet, d'Quell vun der Äisch sinn.

De Wäschbuer zu Féngeg, Quell vun der Këschel

Bekannt Leit vu Féngeg

• Nicolas Margue

Kuckt och

• Kierch Féngeg
• Lëscht vun de Lëtzebuerger Gemengen
• Lëscht vun de Lëtzebuerger Uertschaften
• Lëtzebuerger Kantonen
• Entwécklung vun der Gemengenzuel zu Lëtzebuerg
• Lëscht vun de Lëtzebuerger Stied

Um Spaweck

Commons: Féngeg – Biller, Videoen oder Audiodateien

Vue vun Norden op Féngeg - 20.04.2008