Äisch

Vu Wikipedia
Op d'Navigatioun wiesselen Op d'Siche wiesselen
Äisch
Äisch Léisbech Simmerschmelz.JPG
D'Äisch tëscht der Léisbech an der Simmerschmelz
Längt 49,6
Konfluenz
Leeft an Uelzecht
Geographie
Land Flag of Luxembourg.svg Lëtzebuerg
D'Äisch op "Dräi Brécken" bei Äischen

D'Äisch ass eng belsch-lëtzebuergesch Baach, déi hir Quell zu Séilen [1] an der Belsch no bei der lëtzebuergescher Grenz huet, oder zu Féngeg [2][3][4]

No ongeféier 1800 m an der Belsch leeft hanner Kënzeg, tëscht de Grenzmaarken LB 057 an LB 058, eng Baach mat der Millebaach zesummen. Vun do un huet d'Äisch hiren offiziellen Numm a si mécht d'Grenz bis bei d'Maark LB 061, wou se ganz op lëtzebuergeschem Gebitt weiderleeft. E puer honnert Meter viru Grass leeft lénks d'Grendelbaach dran. Si leeft da weider laanscht Koler, hei gëtt se riets vun der Eiselbaach gefiddert, éier se an d'Stengeforter Gemeng kënnt. Bei Hoen leeft lénks d'Kolerbaach dran, si dréint no Westen fir bei der Grenzmaark LB 082 erëm op déi belsch-lëtzebuergesch Grenz ze stoussen, vu wou un se erëm d'Grenz mécht bis bei d'Maark LB 086.

Si leeft duerno duerch Äischen. Hei kritt se op der lénkser Säit d'Bech an d'Millebaach bei. Bei der Kempemillen just virun Habscht kënnt vu lénks d'Haardebaach dobäi. Hanner Habscht gëtt den Dall méi enk a si leeft weider a Richtung Simmer. Tëscht Simmer a Rued leeft nach lénks Léisbech dran, zu Rued selwer ass et lénks d'Mëlleschbaach, gläich duerno d'Dondelerbaach (riets) zu Aansebuerg ass et d'Holertsbaach déi lénks draleeft a bei Huelmes d'Kalbaach (lnks). Da leeft se weider no Nord-Osten op Miersch do kënnt nach lénks d'Reckenerbaach dran an da leeft se selwer do, hanner dem Centre Marisca, an d'Uelzecht.

Den Héichtenënnerscheed vun der Quell bis op d'Mëndung ass 160 m.

Nieweflëss vun der Äisch[änneren | Quelltext änneren]

Uertschafte laanscht d'Äisch[änneren | Quelltext änneren]

Millen an aner Installatiounen op der Äisch[änneren | Quelltext änneren]

Um Spaweck[änneren | Quelltext änneren]

Commons: Äisch – Biller, Videoen oder Audiodateien

Referenzen an Notten[Quelltext änneren]

  1. Luxemburger Lexikon Säit 101
  2. Recueil de statistiques par commune 2003
  3. Op der Cartographie vun der Waasserverwaltung huet se hiren Ufank zu Kënzeg bei der Schockmillen, um Zesummelaf vun der Millebaach mmat der Méinschbaach bei der Gossemaark LB 053.
  4. Op der topographescher Kaart vun 1907 an 1927 ass hiren Ufank zu Féngeg agedroen. Deen ieweschte Laf fënnt ee méi spéit als Falterbaach op de Kaarten erëm.