François-Xavier Wurth-Paquet
| François-Xavier Wurth-Paquet | |
|---|---|
 | |
| Gebuer |
16. Abrëll 1801 Lëtzebuerg |
| Gestuerwen | 4. Februar 1885 |
| Nationalitéit | Lëtzebuerg |
| Aktivitéit | Politiker, Anthropolog, Historiker, Riichter |
| Famill | |
| Liewenspartner(in) | Cathérine Paquet |
| Papp | Jean Mathias Wurth |
| Mamm | Julienne Fendius |
| Geschwëster | Anne, Catherine Hélène, Hélène, Louis, Marie Anne |
| Kanner | Léon Wurth |
 | |
De François-Xavier Wurth-Paquet, gebuer als François-Xavier Wurth (oder Würth) de 16. Abrëll 1801 an der Stad Lëtzebuerg, an och do gestuerwen de 4. Februar 1885, war e lëtzebuergesche Jurist, Politiker an Historiker.
Berufflech a politesch Karriär
[änneren | Quelltext änneren]No der Première am Stater Kolléisch huet hien zu Léck Droit studéiert an dunn, vun 1824 bis 1828 als Affekot geschafft an am Kolléisch grad ewéi an der Normalschoul Franséisch an Hollännesch enseignéiert[1]. Hie war duerno eng kuerz Zäit laang Riichter um Bezierksgeriicht an der Stad an Untersuchungsriichter zu Dikrech. 1835 ass hie Procureur an der Stad ginn, 1841 President vum Bezierksgeriicht[1] an 1848 President vum Ieweschte Geriicht.
De Wurth-Paquet war vun 1845 bis 1848 Member vun der Assemblée des États an 1848, als Gewielte vum Kanton Esch-Uelzecht, Member vun der Assemblée constituante[2]. Am selwechte Joer ass hien och Gemengeconseiller an der Haaptstad ginn[3].
11 fut encore nommé membre du conseil communal de Luxembourg en 1848.
Hie war vum 6. Oktober 1858 bis de 4. Februar 1885 Member vum Staatsrot[4] a vum 16. Februar 1870 bis de 16. Februar 1871 President vun där Institutioun.[5]
An der Regierung Simons war hien Administrateur général fir d'Justiz (vum 22.09.1853 bis den 21.05.1856) a fir den Interieur (vum 21.05.1856 bis den 29.09.1858)
1885?? ass hie Member vun enger Regierungskommissioun fir den Ënnerhalt vun den Archive ginn.
Aner Beschäftegungen
[änneren | Quelltext änneren]1845 war hien ee vun de Grënnungsmembere vun der "Archeologescher Gesellschaft", déi méi spéit d'historesch Sektioun vum Institut grand-ducal ginn ass. Vun 1845 bis 1853 a vun 1876 bis 1885 war hie President vun der "Archeologescher Gesellschaft".
An de Publikatioune vun dëser Gesellschaft huet hien en Inventaire vun den ale Lëtzebuerger Dokumenter gemaach, an och Extraiten dovu publizéiert. 18.000 Dokumenter huet hie sou ënnersicht, dobäi koumen nach Ofschrëfte vu ronn 60.000 Dokumenter aus dem Ausland. Fir no sengem Doud hat hien dës Sammlung dem Institut vermaach. Och beim Opbau vun deem, wat méi spéit de Staatsmusée sollt ginn, huet hie matgeschafft.
Privates
[änneren | Quelltext änneren]De François-Xavier Wurth war dat eelst vu sechs Kanner vum Martin Jean Mathias Wurth an der Julienne Fendius. Hien ass ass den 19. Abrëll 1827 an der Stad Lëtzebuerg mat der Cathérine Paquet (13.08.1806 – 22.06.1876) bestuet ginn[6]; d'Koppel krut sechs Kanner: Jean Mathias Leon Xavier (1828 – 1897), Julie (1831 – 1859), Albert Louis (1834 – 1902), Jean Ernest (1836 – 1918), Hélène Louise (1838 – 1911) an Anne Marguerite (1840 – 1920)[7].
Publikatiounen (Auswiel)
[änneren | Quelltext änneren]- Rapport sur les anciennes archives du Grand-Duché de Luxembourg: Luxembourg: [s.n.], 1847. Print.
- Rapport sur la foire de Luxembourg dite Schoberfuhr ou Schobermess : Etymologie de ce mot. Luxembourg: [s.n.], 1850. Print.
- Quel est le lieu de naissance de Jean, Baron de Beck, Général et Gouverneur du Duché de Luxembourg? Luxembourg: [s.n.], 1851. Print.
- Le marquisat d’Arlon en 1480. Arlon: [s.n.], 1851. Print.
- Charte luxembourgeois. Luxembourg: [s.n.], 1858. Print.
- Table chronologique des chartes et diplômes realtifs à l’histoire de l’ancien pays de Luxembourg. Luxembourg: Imprimerie-Librairie de V. Buck, 1861. Print.
- Notariat et notaires dans le pays de Luxembourg avant 1795. Luxembourg: V. Bück, 1864. Print.
- Notices biographiques. Luxembourg: V. Bück, 1880. Print.
Fir un hien z'erënneren
[änneren | Quelltext änneren]Als Undenken un de Wurth-Paquet ass an der Stad Lëtzebuerg (d'Rue Wurth-Paquet um Belair) grad ewéi zu Esch-Uelzecht eng Strooss no him genannt ginn.
Kuckt och
[änneren | Quelltext änneren]Referenzen
[Quelltext änneren]- ↑ 1,0 1,1 (de)Fanny Beck, Was bedeuten die Straßennamen der Stadt?. onsstad.lu (2013). Gekuckt de(n) 23.11.2023.
- ↑ Nicolas Als, Robert L. Philippart: La Chambre des Députés, Histoire et Lieux de Travail, Chambre des Députés du Grand-Duché de Luxembourg, 1994, S. 532-333.
- ↑ (fr)NÉCROLOGIE.. In: L'indépendance luxembourgeoise. L'indépendance luxembourgeoise nº 37, S. 2., [Digitalisiert von der Nationalbibliothek Luxemburg] (06.02.1885). Gekuckt de(n) 23.11.2023.
- ↑ Lëscht vun de Membere vum Staatsrot op der Websäit vum Staatsrot
- ↑ Lëscht vun de Presidente vum Staatsrot op der Websäit vum Staatsrot Archivéiert de(n) 2015-09-23. Gekuckt de(n) 2013-02-07.
- ↑ (de)Ons Hémecht Nᵒ 35.. Ons Hémecht, 44. Jg., nº Heft 1, S. 51., [Digitalisiert von der Nationalbibliothek Luxemburg] (01.01.1938). Gekuckt de(n) 23.11.2023.
- ↑ (en)François Xavier Wurth (1801-1885) | WikiTree FREE Family Tree. www.wikitree.com (1801-04-16). Gekuckt de(n) 2023-11-23.
- Lëtzebuergesch Juristen
- Politiker (Lëtzebuerg)
- Lëtzebuergesch Deputéiert
- Inneministere vu Lëtzebuerg
- Justizministere vu Lëtzebuerg
- Lëtzebuergesch Historiker
- Gebuer 1801
- Gestuerwen 1885
- Presidente vum Staatsrot zu Lëtzebuerg
- Membere vum Staatsrot zu Lëtzebuerg
- Membere vun der Assemblée constituante vun 1848 (Lëtzebuerg)
- Membere vun der Section historique vum Institut grand-ducal
- Persounen, no deenen eng Struktur zu Lëtzebuerg genannt ass