Fredholm (Moundkrater)
| Fredholm (Moundkrater) | |
|---|---|
 | |
| Eegenschaften | |
| Breet | 18,34° N |
| Längt | 46,53° O |
| Duerchmiesser | 13,39 km |
| Déift | 2.500 m |
| Selenographesch Längt | 314° bei Sonnenopgank |
| Genannt nom | Erik Ivar Fredholm (1866–1927) |
| Krut säin Numm am Joer | 1976 |
De Fredholm ass e klengen Aschlagkrater op der rauer Fläch am Weste vum Mare Crisium. Hie läit tëscht den opfällege Kratere Macrobius am Norden an Proclus am Süden. Déi kreesronn, symmetresch Formatioun huet e schosselfërmegen Zentrum. Déi bannenzeg Wänn falen gläichméisseg zum Mëttelpunkt hin a bilden am Zentrum e klenge Kraterbuedem mat ongeféier engem Véirel vum Kraterduerchmiesser. Op sengem Nordrand läit de klenge Macrobius E.
De Fredholm gouf laang Zäit als Satellittekrater vum Macrobius mat der Bezeechnung Macrobius D gefouert. 1976 krut hien dann offiziell vun der IAU säin eegenen Numm.
