Gust van Werveke
|
Dësen Artikel beschäftegt sech mat dem Journalist Auguste ("Gust") van Werveke (1896-1976). Fir den Architekt a Moler Auguste-Léopold van Werveke (1866-1927), kuckt wgl. Auguste van Werveke. |
| Gust van Werveke | |
|---|---|
 | |
| Gebuertsnumm | August Anna Karl van Werveke |
| Gebuer |
2. Oktober 1896 Lampertsbierg |
| Gestuerwen |
1. Oktober 1976 Lëtzebuerg |
| Nationalitéit | Lëtzebuerg |
| Aktivitéit | Journalist |
| Famill | |
| Papp | Auguste van Werveke |
 | |
Den August Anna Karl ("Gust") van Werveke, gebuer den 2. Oktober 1896 um Lampertsbierg, a gestuerwen an der Stad Lëtzebuerg den 1. Oktober 1976, war e lëtzebuergesche Journalist.
No senger Premiére am Stater Kolléisch huet de Gust van Werveke vun 1916-1921 noeneen um Cours supérieurs Philosophie a Philologie, zu München Droit a Philologie, zu Toulouse an dann zu Stroossbuerg Droit studéiert. 1921 huet hien um Institut Philotechnique zu Bréissel Ekonomie a Kolonialwëssenschafte studéiert.[1]
Scho wärend sengem Studium huet hie Pamphleter (dorënner eent, J'accuse! an deem en anonym Däitschland Schold um Éischte Weltkrich ginn huet) an Artikelen a politesch lénksen Zeitunge geschriwwen, wéi Die Erde, Der Gegner, Der Strom, Die Aktion, oder Der Arbeiterrat.
Vun den 1920er Joren un huet hien haaptberufflech als Journalist geschafft, fir ë. a. d'Escher Tageblatt (hie gouf 1927 Chefredakter) der Der Landwirth, a Junge Welt, an huet geleeëntlech an Zäitschrëfte wéi Rappel, Meuse-Luxembourg, Echo de l'Industrie oder A-Z Luxemburger Illustrierte publizéiert, an och Chroniken um Radio gemaach.
Hien huet och literaresch Aarbechte geschriwwen, dorënner Gedichter a kënschtleresch Manifester, ma och e Roman (Paul Robert, 1927-28 a Fragmentform an de Cahiers luxembourgeois erauskomm).
Hie war de Jong vum Auguste van Werveke.
Gielercher[2]
[änneren | Quelltext änneren]- Chevalier de l'ordre de la couronne de chêne
- Chevalier de la Légion d'honneur
- Chevalier de l'Ordre de Léopold
- Officier de l'Ordre d'Orange-Nassau
- Officier de l'Ordre de la Couronne
- Officier de l'Ordre du Mérite Social
- Commandeur de l'Ordre de Mérite du Grand-Duché de Luxembourg
Literatur
[änneren | Quelltext änneren]- Evy Friedrich: "Ein Vollblutjournalist ging von uns". In: Revue 16.10.1976, S. 12-14.
Um Spaweck
[änneren | Quelltext änneren]- "Gust van Werveke"; Fiche am Autorenlexikon.lu.
Referenzen
[Quelltext änneren]- ↑ Source vum Artikel, wou net anescht uginn: Gast Mannes, Jeff Schmitz: "Gust van Werveke"; Fiche am Autorenlexikon.lu
- ↑ Doudesannonce vum Gust van Werveke. Luxemburger Wort. eluxemburgensai.lu (6. Oktober 1976). Gekuckt de(n) 07.03.2023.
- Gebuer 1896
- Gestuerwen 1976
- Lëtzebuergesch Auteuren
- Lëtzebuergesch Journalisten
- Chevalier de l'ordre de la couronne de chêne
- Chevalier de la Légion d'honneur
- Chevalier vum Ordre de Léopold
- Officier vum Ordre d'Orange-Nassau
- Chevalier vum Ordre de la Couronne
- Commandeur de l'Ordre de Mérite du Grand-Duché de Luxembourg