Hal Flavin

Vu Wikipedia
Op d'Navigatioun wiesselen Op d'Siche wiesselen
Hal Flavin
Genre: Electropop, Pop-Rock
Land: Flag of Luxembourg.svg Lëtzebuerg
Grënnung: 2007
Websäit: Facebook
Memberen
Gesank, Synthesizer: Marc Clement
Gittar: Samuel Reinard
Bass: Mike Coster
Batterie: Toma Copier

Hal Flavin ass eng lëtzebuergesch Electropop-Rock-Band.

Bandgeschicht[änneren | Quelltext änneren]

Hal Flavin gouf 2007 vum Marc Clement (Gesank, Synthesizer), Samuel Reinard (Gittar) a Mike Coster (Bass) gegrënnt. Zenterhir ass nach den Drummer Toma Copier dobäikomm. D'Grupp huet hir éischt EP Hal Flavin 2008 verëffentlecht. D'Single Wheel of Fortune huet et am Summer 2009 an der RTL Hitmaschinn op d'Plaz Nummer 4 gepackt, an den Dragon Edit dovun, deen am Oktober 2010 als digital Single eraus koum, huet et bis op d'Nummer 23 am Eldoradio Chartbreaker gepackt.[1]

Nodeem Hal Flavin fir bekannte Gruppe wéi Delphic als Virband opgetruede sinn, ass hir zweet EP The Talk am Abrëll 2011 eraus komm. Si ass um Band-eegene Label Watt Blizzard Music verëffentlecht ginn, dat 2010 zu Esch-Uelzecht gegrënnt gouf.[2]

Hal Flavin hat e kuerzen Optrëtt am Lëtzebuerger Film Naked Opera, deen 2013 op der Berlinale gelaf ass.[3]

Am Summer 2013 ass d'Single Trigger souguer bis an déi national spuenesch Singlecharts geklommen an huet et do bis op d'Plaz 61 gepackt.[4]

Nieft nationale Festivaller wéi Food For Your Senses, Rock-A-Field a Mess for Masses trëtt d'Band och europawäit op.

Diskographie[änneren | Quelltext änneren]

EPen[änneren | Quelltext änneren]

  • 2008: Hal Flavin
  • 2011: The Talk

Singlen[änneren | Quelltext änneren]

  • 2010: Wheel of Fortune (Dragon Edit)
  • 2013: Trigger

Um Spaweck[änneren | Quelltext änneren]

Referenzen[Quelltext änneren]

  1. Messagen op der Band hirer offizieller Facebook-Säit den 31. August 2009 um 13:37 an dem offiziellen Twitteraccount de 6. Dezember 2010 um 02:25
  2. Watt Blizzard Music op Rate Your Music
  3. Site vum Film
  4. wort.lu: Luxembourg's Hal Flavin hits the Spanish charts (3. Juli 2013; gekuckt den 21. Januar 2014)