Hedva Ser

Hedva Ser
Gebuer	20. September 1948 Petah Tikva
Nationalitéit	Frankräich, Israel
Educatioun	Académie de la Grande-Chaumière, École Camondo, Hornsey College of Art
Aktivitéit	Moler, Sculpteur

D'Hedva Ser, gebuer den 20. September 1948 zu Petah Tikva (Israel), ass eng franséisch Kënschtlerin, Molerin a Sculptrice. Do dernieft mécht si och Wandteppecher a Bijouen.

Biographie

D'Hedva Ser huet vun 1964 bis 1966 eng Ausbildung am Konschtmusée vun Tel Aviv gemaach, duerno (1966) an der Académie de la Grande Chaumière zu Paräis a vun 1967 bis 1970 an der École Camondo. 1970 goung si op London op de Hornsey College of Art.

Ausstellungen a Wierker (Auswiel)

De Friddensbam bei der Metzer Plaz.

Eng sëlleg Eenzelausstellunge goufen hirer Aarbecht gewidmet, sou z. B. am

• Institut Français vun Athen (1983),
• Musée Picasso vun Antibes (1988),
• Harvard Universitéit (1992),
• Musée de la Tapisserie zu Aubusson (1998),
• Konschtmusée zu Tel Aviv (1999),
• Galerie Artcurial zu Paräis (1999) an zu Monaco (2000),
• Galerie Panijel à Paräis (2005 an 2006),
• Galerie Ermano Tedeschi zu Mailand (2007).

Am Kader vun hirem Asaz fir en interkulturellen Dialog stellt si zanter 2007 uechter d'Welt hir Skulpturen „Friddensbam“ (Arbre de la paix) op. Zu Lëtzebuerg gouf hire Friddensbam de 6. Oktober 2019 bei der Metzer Plaz ageweit. D'Skulptur gouf opgeriicht am Kader vun de 50 Joer Fräiwëllegenarméi an den 175 Joer Militärmusek zu Lëtzebuerg, Anniversairen déi allebéid 2017 gefeiert goufen.

Aner Friddensbeem stinn ë. a. zu:

• Jerusalem (Dezember 2007),
• Mesa, Arizona (Still University, Mee 2011),
• Philadelphia, Pennsylvania (Temple University, Mee 2012),
• Palestine (Al-Quds Universitéit, Juli 2013),
• Malta (Palais Verdala, Mäerz 2014),
• Cambridge, Massachusetts (Harvard Universitéit, Juni 2014),
• Ordinao, Andorra (Juli 2014),
• Baku, Aserbaidjan (Mee 2015),
• Berlin, Däitschland (Juli 2015),
• Kfar Maccabiah, Israel (Mee 2016),
• Stroossbuerg, Frankräich (Juli 2016).

Gielercher

• Offizéier vum franséischen Ordre des Arts et des Lettres (1989)
• Ritter vun der franséischer Éierelegioun (2001)
• Goodwill Ambassador vun der UNESCO fir kulturell Diplomatie (2017)

Bibliographie

• Schwarz, Arturo, Hedva Ser, Au fil de la sculpture : Exposition à la Galerie Pierre-Alain Challier du 15 novembre au 3 décembre 2011, Beaux Arts Editions, 2011, ISBN 9782842788902

Um Spaweck

• (en) Websäit vun der Hedva Ser
• Monument d'honneur bei der Metzer Plaz ageweit op rtl.lu de 6. Oktober 2019, gekuckt de 26. Abrëll 2020
• Ein Friedensbaum für das Militär op wort.lu den 11. Oktober 2018, gekuckt de 26. Abrëll 2020