Hollännesch Karibik

Hollännesch Karibik
	Aruba, Curaçao, Sint Maarten,; Karibescht Holland (vu West no Ost): Bonaire, Saba, Sint Eustatius
Geographie
Kontinent	Nord- a Mëttelamerika
Land	Holland
Verwaltung
Demographie
Aner Informatiounen
Zäitzon	Atlantic Standard Time Zone

D'Hollännesch Karibik (hollännesch: Caribisch deel van het Koninkrijk) begräift follgend Inselen an Inselgruppen an der Karibik:

d'autonom Länner Aruba, Curaçao a Sint Maarten, déi zu Holland gehéieren,
d'Insele Bonaire, Sint Eustatius a Saba déi als besonnesch Gemengen zu Holland gehéieren.

Zanter 1816 waren dës sechs Inselen duerch „definitiv“ Reegelunge vun den europäesche Muechten an hollänneschem Kolonial-Besëtz. Vun 1877 un goufe s'als Curaçao en Onderhorigheden bezeechent.

D'Hollännesch Karibik mat hire sechs Inselen ass net ze verwiessele mat dem Karibeschen Holland (Caribisch Nederland) dat just déi dräi Insele Bonaire, Sint Eustatius a Saba mat hire jeeweilegen Nieweninsele begräift. Als besonnesch Gemeng gehéiere se politesch zum europäeschen Holland, also dem Land um Nordmier. Se sinn deemno manner eegestänneg wéi eng Insel déi de Statut vun engem autonome Land huet.

Insel	Haaptstad	gehéiert geographesch zu	Fläch (km²)	Awunner (1. Januar 2023)	Awunner / km²	politesche Status
Aruba	Oranjestad	Inselen ënner dem Wand	180^[1]	115.600^[1]	642,2	autonoomt Land am Kinnekräich Holland (zanter dem 01.01.1986)
Bonaire	Kralendijk	Inselen ënner dem Wand	288^[2]	24.090^[3]	83,6	Besonnesch Gemeng (zanter dem 10.10.2010)
Curaçao	Willemstad	Inselen ënner dem Wand	444^[4]	147.300^[4]	333,8	autonoomt Land am Kinnekräich Holland (zanter dem 10.10.2010)
Saba	The Bottom	Inselen iwwer dem Wand	13^[5]	2.035^[3]	156,5	Besonnesch Gemeng (zanter dem 10.10.2010)
Sint Eustatius	Oranjestad	Inselen iwwer dem Wand	21^[6]	3.293^[3]	156,8	Besonnesch Gemeng (zanter dem 10.10.2010)
Sint Maarten	Philipsburg	Inselen iwwer dem Wand	34^[7]	46.800^[7]	1.376,5	autonoomt Land am Kinnekräich Holland (zanter dem 10.10.2010)
			980	339.118