Jáchymov

Vu Wikipedia
Wiesselen op: Navigatioun, sichen
D'Kurbad Jáchymov

Jáchymov (fréieren däitschen Numm : Sankt Joachimsthal) ass eng Stiedchen an der tschechescher Regioun Karlovy Vary (Karlovarský kraj), am Erzgebirge, no bei der däitscher Grenz.

Am 16. Joerhonnert gouf do an der Ëmgéigend Sëlwer fonnt, wat der Stad an der Adelsfamill Schlick jett Räichtum bruecht huet. D'Mënzen, déi aus deem Sëlwer geschloe goufen, si "Joachimstaler" genannt ginn; sou krut den Daler (sou wei och den Dollar an de sloweneschen Tolar) säin Numm.

1873 ass Joachimsthal/Jáchymov bal ganz ofgebrannt.

Och aner Metaller goufe vum 19. Joerhonnert un do ofgebaut, dorënner Néckel, Bismut an Uran. Et war am Uranäerz vu Joachimsthal, wou d'Marie Curie de Radium entdeckt huet, wat hir mat hirem Mann Pierre den Nobelpräis abruecht huet.

Nom Éischte Weltkrich an dem Zerfall vun der Habsburg-Monarchie gouf St. Joachimsthal tschechoslowakesch a krut säin tschecheschen Numm. Tëscht 1938 an 1945 huet et zum Däitsche Räich gehéiert.

An den 1950er an ufanks vun den 1960er Joren, war do vum kommunistesche Regime e Gefaangenelager fir politesch Prisonéier ageriicht; dës hu missen an den Urangrouwe schaffen, an haten eng duerchschnëttlech Liewenserwaardung vu just 42 Joer.

Jáchymov ass e Kurbad. D'Waasser enthält Radium an ass liicht radioaktiv.

No bei Jáchymov leien ë. a. de Klinovec (den héchste Bierg vum Erzgebirge, an de Plesivec (Plessberg).

Commons: Jáchymov – Biller, Videoen oder Audiodateien