Kräizkapell Esch-Sauer
| ||||
|---|---|---|---|---|
 | ||||
| Uertschaft / Plaz | Esch-Sauer | |||
| Par | Öewersauer Saint-Pirmin | |||
| Dekanat | Norden | |||
| Numm / Patréiner | Helleg Kräiz | |||
| Koordinaten | 49° 54’ 24.9’’ N 5° 56’ 7.7’’ O | |||
| Kierchen - Kapellen | ||||
D'Kräizkapell vun Esch-Sauer, och Lochkapell genannt, ass eng kathoulesch Kapell déi zur Par Öewersauer Saint-Pirmin, zum Dekanat Norden an zu der Gemeng Esch-Sauer gehéiert.
D'Kapell ass dem hellege Kräiz geweit. Se steet baussent der Uertschaft a südlecher Richtung an der Eschduerferstrooss op enger Héicht vun 330 m (NG-L). Ronderëm d'Kapell ass de Kierfecht ugeluecht. E Kräizwee aus dem 18. Joerhonnert verbënnt d'Duerf mat der Kapell. E fänkt u bei där Plaz wou déi barock Statu vum Jean-Georges Scholtus steet, déi de Johannes Nepomuk duerstellt.
Zanter dem 8. August 1955 steet d'Kapell zesumme mam Kierfecht an der Lannenallee, déi bei den Agank vum Kierfecht féiert, op der Lëscht vun de klasséierte Monumenter[1].
Geschicht[änneren | Quelltext änneren]
Bis de 7. Mee 2017 war et eng Kapell vun der Par Esch-Sauer, déi zum Parverband Öwersauer, Sankt Pirmin, zu der Pastoralregioun Norden an zum Dekanat Wolz gehéiert huet. Zur fréierer Par Esch-Sauer huet ausser der Kräizkapell och nach d'Parkierch vun Esch-Sauer an d'Schlasskapell vun der Buerg Esch-Sauer gehéiert.
Gebai[änneren | Quelltext änneren]
D'Kapell, déi zanter dem 17. Joerhonnert bekannt ass, gouf 1767 nei opgebaut. 1772 huet se eng wichteg Reliquie vum wierkleche Christuskräiz kritt. Iwwer dem Agank ass e Relief dat d'helleg Anna an d'Maria duerstellt.
D'Miwwel bestinn haut aus engem Christus um Kräiz, ëmgi vun den zwéin Déif am spéitgotesche Stil an e puer Statue vum Sculpteur Michel Weiler.
Biller[änneren | Quelltext änneren]
Kierch
Entréesportal
Kierfecht
Al Griewer
Lannenallee
Kuckt och[änneren | Quelltext änneren]
- Lëscht vu reliéise Gebaier zu Lëtzebuerg
- Lëscht vun de Lëtzebuerger Paren
- Lëscht vun de fréiere Lëtzebuerger Paren
- Lëscht vun den nationale Monumenter an der Gemeng Esch-Sauer
Um Spaweck[änneren | Quelltext änneren]
| Commons: Kräizkapell Esch-Sauer – Biller, Videoen oder Audiodateien |
- Websäit vun der Par Öewersauer Saint-Pirmin
- D'Kapell op der Websäit vun der Par Öewersauer Saint-Pirmin
- D'Kräizkapell vun Esch-Sauer op der Websäit vum Service des sites et monuments nationaux {fr}
Referenzen[Quelltext änneren]
- ↑ Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 2. Mee 2023).