Mercury-Little-Joe 1B

Little Joe 1B (LJ-1B)
D'Rhesusäffin Sam
Typ	Mercury-Programm
Land	USA
Agentur	NASA
nssdc id	LILJOE-1B
Crew	1 Rhesusaf
Orbit	suborbitale Fluch
Apogeum	15 km
Streck	19 km
Start	21. Januar 1960
Startplaz	Wallops Flight Facility, Virginia
Landung	21. Januar 1960
Landeplaz	Atlantik
Dauer	8 min 35 s
Drorakéit	Little Joe
virdrun	Mercury-Little-Joe 2
dono	Mercury-Atlas 1

Little Joe 1B (LJ-1B) war en Testfluch am Kader vum Mercury-Programm.

Well mat de béide Missioune virdrun, der Little-Joe 1 an der Little-Joe 1A kee Fluchofbroch wärend der maximaler aerodynamescher Belaaschtung simuléiert konnt ginn, sollt dat mat dëser Missioun gemaach ginn. U Bord vun der Kapsel war d'Rhesusäffin (Macaca mulatta) Miss Sam. Si gouf, wéi hire Virgänger Sam vum Fluch Little-Joe 2, no der US Air Force School of Aviation Medicine genannt. Déi Kéier war de Fluchofbroch um gewënschten Zäitpunkt gelongen an d'Miss Sam war 28 Sekonnen der Schwéierlosegkeet ausgesat. D'Kapsel gouf no der Waasserlandung vun engem Helikopter aus dem Mier gefëscht a war scho 45 Minutte nom Start nees op Wallops Island.

D'Maximalvitess war 3.307 km/h, déi maximal Acceleratioun hat 4,5 g. D'Kapsel hat eng Streck vun 19 km iwwerflunn, den héchste Punkt louch bei enger Héicht vu 15 km. D'Notzlaascht war 1.007 kg schwéier.