Musik am Atertdaul

Musik am Atertdaul, oder Musique dans la Vallée, ass e Musekfestival, deen all Joer vun Enn August bis Ufank Oktober am belsch-lëtzebuergeschen Atert-Dall ofgehale gëtt.

D'Realisatioun fir dee Festival ass op fënnef Gemengen zeréckzeféieren. Op déi belsch Gemeng Atert, an déi véier lëtzebuergesch Gemengen: Biekerech, Ell, Préizerdaul a Réiden op der Atert.

Ëm d'Sekretariat an d'Animatioun vun dësem Festival këmmert sech d'asbl. Au Pays de l'Attert vun Atert.

2006

Um Programm vun 2006 stoungen ë. a.:

D'Stëmme vun der Neva

E gemëschte Chouer, deen zesummegesat ass aus Sänger a Sängerinnen aus Sankt Péitersbuerger Chéier mat russesch-orthodoxem Gesank vu Komponiste wéi Bortnjanskyj a Rachmaninow.

Banchieri Singers

En ungaresche Vokalsextett, deen aus der Zoltan Kodaly-Schoul ervirgaangen ass.

Ensembel Reebou

Véier Musekerinnen, Eliana Arabynska (Mezzosopran), Ekaterina Lucius-Popova (Sopran), Josiane Diefferding (Piano) an d'Maggy Dumont (Gei) hunn e gemëschte Repertoire mat lëtzebuergesche Vollekslidder a Lidder aus Operetten a russesche Vollekslidder a Romanzen.

Um Spaweck