Nordesche Rot

Den Nordesche Rot an den Nordesche Ministerrot sinn international Organer mat dem zentralen Uleies d'Kooperatioun tëscht den Nordesche Länner ze verbesseren. Béid Institutioune fungéieren éischter als Kommunikatiouns- a Koordinatiounsfore wéi als supranational Organisatiounen. Gemenkerhand ginn den 1952 gegrënnten Nordesche Rot an den nodréiglech 1971 etabléierten Nordesche Ministerrot ënner dem Begrëff "Norden" zesummegefaasst.

De Rot konzentréiert sech op d'interparlementaresch Zesummenaarbecht andeems de Ministerrot fir d'Koordinatioun um Niveau vun de Regierunge responsabel ass. Béid Institutiounen hunn hiert Sekretariat zu Kopenhagen. Sëtzunge sinn normalerweis just eemol d'Joer.

Logo

De Logotyp vum Nordesche Rot gouf 1985 adoptéiert. De Schwan huet aacht Plommen a symboliséiert déi aacht Memberen.

Memberen

Nieft de fënnef nordesche Staaten hunn déi dräi autonom Territoirë vun de Färöer Inselen, Grönland (béid Dänemark) an Åland (Finnland) separat Sëtz an de Réit.

Sëtzverdeelung:

• Dänemark (16 Sëtz)
  • Färöer (2 Sëtz)
  • Grönland (2 Sëtz)
• Finnland (18 Sëtz)
  • Åland (2 Sëtz)
• Island (7 Sëtz)
• Norwegen (20 Sëtz)
• Schweden (20 Sëtz)

Kuckt och

• Benelux

Um Spaweck

• Den Nordesche Rot

Commons: Nordic Council – Biller, Videoen oder Audiodateien