Pierre Gramegna
| Pierre Gramegna | |
|---|---|
.jpg) | |
| Gebuer |
22. Abrëll 1958 Esch-Uelzecht |
| Nationalitéit | Lëtzebuerg |
| Educatioun | Universitéit Panthéon-Assas |
| Aktivitéit | Politiker, Ekonomist |
| Partei | Demokratesch Partei |
 | |
De Pierre Gramegna, gebuer den 22. Abrëll 1958[1] zu Esch-Uelzecht[2], ass e lëtzebuergeschen Diplomat a Manager. Hien ass zanter dem 4. Dezember 2013 Finanz- a Budgetsminister an der Regierung Bettel-Schneider.
Hien huet op der Universitéit Paris II Droit an Ekonomie studéiert, an ass direkt duerno an de lëtzebuergeschen diplomateschen Déngscht agetrueden.
Hien huet 5 Joer am Ausseministère geschafft, duerno war e 5 Joer Conseiller d'ambassade zu Paräis, 3 Joer Generalkonsul zu San Francisco a schliisslech 6 Joer Lëtzebuerger Ambassadeur zu Tokyo.[3]
No engem Joer als Chef vun der Direction des affaires européennes et des relations économiques internationales am Ausseministère gouf hien 2003 Direkter vun der Chambre de commerce. Hie blouf dat bis zu senger Ernennung zum Regierungsmember an der Regierung Bettel-Schneider.
Hie war vun 2004 bis 2008 President vum Verwaltungrot vun der Cargolux a Verwaltungsrotmember vun der Bourse, Société nationale de crédit et d'investissement, Office du ducroire, Luxexpo a BGL BNP Paribas.
Gielercher
- Commandeur vum Ordre de Mérite du Grand-Duché de Luxembourg (Promotioun 2012)[4]
Um Spaweck
| Commons: Pierre Gramegna – Biller, Videoen oder Audiodateien |
