Tapis Hertz
| Tapis Hertz | |
|---|---|
.jpg) | |
| Typ | Sàrl |
| Grënnungsdatum |
1946 als Gesellschaft den 21. Februar 1984[1] |
| Land | Lëtzebuerg |
| Sëtz |
44, Groussgaass L-1660 Lëtzebuerg  Lëtzebuerg |
| Generaldirekter | Nathalie Aach |
| Mataarbechter | 30[2] |
| Branche | Eenzelhandel |
| Produit | Teppecher, Textilien |
| Homepage | tapishertz.lu |
 | |
Tapis Hertz, gegrënnt ënnert dem Numm Rodolphe Hertz, war e bekannten Teppech- a Textilbuttek an der Groussgaass an der Stad Lëtzebuerg. Butteker vun Tapis Hertz hu bis September 2024 op der Helfenter Bréck an an der Belle Étoile bestanen.
Geschicht
[änneren | Quelltext änneren]Den éischte Buttek vum Rodolphe Hertz a senger Fra goung 1946 um 1. Stack vum Gebai um Eck Groussgaass / Gruef vis-à-vis vun der Maison Moderne op (haut: Gebai Fielmann). Am Mee 1949 ass de Buttek op Nummer 34 vun der Groussgaass geplënnert, wou en dunn och schonn op zwéi Stäck etabléiert war. 1963 ass e vum Guy Aach a senger Fra Danielle Hertz, enger Niess vum Firmegrënner, iwwerholl ginn.
Nodeems de Buttek Vogue op 44 an der Groussgaass opgehalen hat, huet Tapis Hertz sech do, um Eck mat der Kapuzinergaass, néiergelooss. D'Geschäft konnt op véier Stäck vergréissert ginn a huet seng Gamm vergréissert; et goufe vun do un och Dicher, Riddoen, Bettgezei asw. ugebueden.
2003 huet d'Nathalie Aach, déi zanter 1994 am Betrib war, d'Gerance vum Buttek vun hiren Elteren iwwerholl, déi dunn 2013 an d'Pensioun goungen. 2013 huet Tapis Hertz en zousätzleche Buttek an der Belle Étoile opgemaach.
2019 huet Tapis Hertz de Buttek an der Groussgaass, de klenge Buttek an der Belle Étoile an d'Teppechhal op der Helfenter Bréck zougemaach an eng Woch méi spéit e grousse Buttek vu 600 m² an der Belle Étoile opgemaach.
2024 huet Tapis Hertz och säi leschte Buttek an der Belle Étoile zougemaach. D'Departementer vun de Riddoen an Tapis-plaine si vum de Buedemleër[sic] vun Éilereng iwwerholl ginn[3].
Biller
[änneren | Quelltext änneren]
Tapis Hertz an der Groussgaass (Juli 2019)
.jpg)
.jpg)
Um Spaweck
[änneren | Quelltext änneren] |
Commons: Tapis Hertz – Biller, Videoen oder Audiodateien |
- La fin d'une histoire… le début d'une autre! op tapishertz.lu, gekuckt de 14. Juli 2019
- Traditionshaus verlässt Großgasse Artikel op wort.lu den 13. Juli 2019, mat engem Video-Reportage vun 2016
- Thierry Raizer, Tapis Hertz quitte la Grand-Rue après 73 ans op paperjam.lu den 13. Juli 2019
Referenzen an Notten
[Quelltext änneren]- ↑ ageschriwwen am Handelsregëster als Tapis Hertz sàrl ënnert der Nummer B21298
- ↑ gekuckt op editus.lu de 14. Juli 2019
- ↑ Unsere Geschichte, de Buedemleër im Laufe der Jahre. www.d-b.lu. Gekuckt den 13.01.2026.