Triangulum Australe (Stärebild)

Date vum Stärebild Triangulum Australe
Lëtzebuergeschen Numm	Südlecht Dräieck
Laténgeschen Numm	Triangulum Australe
Laténgesche Geenitiv	Trianguli Australis
Laténgesch Ofkierzung	`TrA`
Positioun	südlechen Himmel
Rektaszensioun	14h 56m bis 17h 13m
Deklinatioun	-60° 20’ bis -70° 25’
Fläch	110 Quadratgrad
Siichtbar op de Breedegraden	20° Nord bis 90° Süd
Observatiounszäitraum fir Mëtteleuropa	net ze gesinn
Zuel vu Stäre mat Gréisst < 3^m	3
Hellste Stär, Gréisst	α Trianguli Australis (Atria), 1,91^m
Meteorstréim	-
Nopeschstärebiller (vun Norden am Auerzäresënn)	Norma Circinus Apus Ara
Kaart vum Stärebildes Triangulum Australe

De Südlechen Dräieck, laténgesch Triangulum Australe ass e Stärebild vum südleche Stärenhimmel.

Beschreiwung

D'Stärebild setzt sech aus dräi helle Stären zesummen. Et ass méi opfälleg wéi säin nërdlecht Géigestéck, d'Triangulum.

Duerch de südlechen Dräieck zitt sech d'Band vun der Mëllechstrooss. Hei fënnt een den opfällegen Oppene Stärekoup NGC 6025.

Vu Mëtteleuropa aus, ass d'Stärebild net ze gesinn.

Geschicht

D'Stärebild gouf fir d'éischt vun den hollännesche Séifuerer Pieter Dirkszoon Keyser a Frederik de Houtman an de Joren 1695–97 vermooss. De Johannes Bayer huet d'Stärebild iwwerholl an a sengem Himmelsatlas Uranometria am Joer 1603 agedroen. Scho 1589 fënnt een d'Stärebild um Himmelsglobus vum Petrus Plancius. Do steet et awer op der Kopp, an eréischt am Joer 1698 fënnt een d'Stärebild richteg gedréit um Globus erëm. Beschriwwe gouf déi Konstellatioun scho 1500 vum spueneschen Navigator Mestre João, an den italieeneschen Entdecker Amerigo Vespucci huet den Dräieck am Joer 1502 op senger Rees beschriwwen, genee wéi och den Andreas Corsali (1512).

Himmelsobjeten

Stären

B	Nimm o. aner Bezeechnungen	^m	Lj	Spektralklass
α	Atria	1,91	416	K2 IIb-IIIa
β	Betria	2,83	40	F2 III
γ	Gatria	2,87	183	A1 V
δ		3,86	621	G5 II
ε		4,11	216	K0 III
ζ		4,90	39	F9 V
	LP	5,10	626	Ap
κ		5,11	3000	G6 VII
	HR 6125	5,19	670	K0 II/IIICN
ι		5,28	132	F4 IV
θ		5,50	328	G8 / K0 III
η		5,89

Den hellste Stär, α Trianguli Australis, ass 416 Liichtjoer vun eis ewech. De Stär liicht orange an huet d'Spektralklass K2. Hien huet déi néngfach Mass an déi 2.000fach Liichtkraaft vun eiser Sonn.
Den Numm „Atria“ ass eng Ofkierzung fir Alpha Trianguli Australe.

Den β Trianguli Australis, den zweethellste Stär am südlechen Dräieck, gehéiert mat enger Distanz vu 40 Liichtjoer zu der enker Ëmgéigend vun eiser Sonn.

Verännerlech Stären

Stär	^m	Period	Typ
ι	5,89		kuerzperiodesch Verännerlechen
R	6,0 bis 6,8	3,4 Deeg	Cepheid

Den ι Trianguli Australis läit 132 Liichtjoer vun eiser Sonn ewech. Et ass e verännerleche Stär vum Typ Gamma-Doradus.

Den R Trianguli Australis ass e pulsatiounsverännerleche Stär vum Typ Cepheiden. Seng Hellegkeet verännert sech reegelméisseg iwwer en Zäitraum vun 3,4 Deeg.